وەزیری ئەوقاف و کاروباری ئایینی هەرێمی کوردستان ئاشکرای کرد کە سبەی تەواوکەری مانگی ڕەمەزانە و ڕۆژی دووشەممە یەکەم ڕۆژی جەژنە.
پشتیوان سادق وەزیری ئەوقاف و کاروباری ئایینی هەرێمی کوردستان لە کۆنگرەیەکی ڕۆژنامەوانیدا ڕایگەیاند: لێژنەی بینینی مانگ، هیلالی مانگی نوێیان لە هەرێمی کوردستان نەبینیوە، بۆیە بەپێی بەڵگە شەرعییەکانی بەردەست ڕایدەگەیەنین کە سبەی یەکشەممە تەواوکەری مانگی ڕەمەزانە و ڕۆژی دووشەممە یەکەم ڕۆژی جەژنی مانگی ڕەمەزانە.
هاوکات وەقفی سوننی عێراق و وڵاتی سعوودیەش بەهەمان شێوە ئاماژەیان بەوەدا کە ڕۆژی دووشەممە یەکەم ڕۆژی جەژنی ڕەمەزانە.
کۆمێنت (0)
تا ئێستا هیچ کۆمێنتێک نەکراوە.