حکوومەتی هەرێمی کوردستان لەسەر بووجەی وەزارەتی شارەوانی ڕەزامەندی لەسەر خەرجکردنی گوژمەی زیاتر لە چوار ملیار دا بۆ ڕووبەڕووبوونەوەی کەمئاوی لە پارێزگای هەولێر و دەروبەری.
فەرمانگەی میدیا و زانیاری ڕایگەیاند: لەسەر بوودجەی ئاسایی وەزارەتی شارەوانی و گەشتوگوزار، ئەنجوومەنی وەزیرانی هەرێمی كوردستان ڕەزامەندی دا لەسەر خەرجكردنی گوژمەی چوار ملیار و زیاتر لە 707 ملیۆن دینار بۆ ڕووبەڕووبوونەوەی گرفتی كەمئاوی لە شاری هەولێر و دەوروبەری.
ڕاشیگەیاند: لەسەر بوودجەی ئاسایی وەزارەتی شارەوانی و گەشتوگوزار ڕەزامەندی درا لەسەر خەرجكردنی چوار ملیار و زیاتر لە 707 ملیۆن دینار كە ئەم گوژمەیە بۆ ئامادەسازیی ڕووبەڕووبوونەوەی كێشەی كەمئاوییە لە شاری هەولێر و دەوروبەری لە هاوینی ئەمساڵدا.
ئاماژەی بەوەش دا کە بە گوێرەی بڕیارەكە، ئەو چوار ملیار و زیاتر لە 707 ملیۆن دینارە بە مەبەستی جێبەجێكردنی چەند پڕۆژەیەكی ئاوە لە هەولێر و دەوروبەری، وەك ڕاكێشانی هێڵی كارەبا بۆ بیرەكان و دابینكردنی سێتی پەمپی ئاسۆیی و بۆستەرەكانی ناو شاری هەولێر و چاككردنەوەی موەلیدەی بیرەكان و كڕینی كەلوپەلی پێویست بۆ پڕۆژەكانی ئاوی ئیفراز/3 و بەكرێگرتنی تانكەر بۆ دابەشكردنی ئاوی خواردنەوە لە شاری هەولێر و دەوروبەری خەرج دەكرێت.
کۆمێنت (0)
تا ئێستا هیچ کۆمێنتێک نەکراوە.