کۆمەڵگای دەروازەی نێودەوڵەتی حاجی ئۆمەران ئاشكرای كرد، بەهۆی دەرنەچوونی لە تاقیگە، زیاتر لە 25 تەن دۆشاوی تەماتەی قوتووبەند لە دەروازەی نێودەوڵەتی حاجی ئۆمەران گەڕاندرایەوە وڵاتی سەرچاوە.
کۆمەڵگاكه ڕایگەیاند: ئەمڕۆ سێشه‌م بارێك ئاوی تەماتەی 830 گرامی بە بڕی 25 تەن و 80 کیلۆگرام بۆ وڵاتی ئێران گەرێندرایەوە.
ڕاشیگه‌یاند: هۆكاری گه‌ڕانه‌وه‌ی ئاوه ته‌ماته‌كان بەهۆی دەرنەچوونی لە پشکنینی تاقیگەیی له هۆبەی وەرگرتنی نموونەی خۆراک بووه، چونکە لەگەڵ رێنماییەکانی وەزارەتی تەندروستی نەدەگونجا و ڕێگە بە هاوردەکردنی بۆ ناو هەرێمی کوردستان نەدرا.
هه‌روه‌ها ڕایگه‌یاند: هەر کاڵا و خواردن و خواردنەوەیەك لە مەرزی حاجی ئۆمەران ئەگەر لە تاقیگە پشکنینی بۆ کرا و لەگەڵ ڕێنماییەکان نەگونجا، لەلایەن لێژنەی هاوبەشی دەروازەی نێودەوڵەتی حاجی ئۆمەران بە سەرۆکایەتیی بنکەی کۆنتڕۆڵی جۆری كۆمه‌ڵگاكه دەگەڕێندرێتەوە وڵاتی سەرچاوە و رێگە بە هاوردەکردنی بۆ ناو هەرێمی کوردستان نادرێت.
کۆمێنت (0)
تا ئێستا هیچ کۆمێنتێک نەکراوە.