دوازدەهەمین فێستیڤاڵی رۆژی رواندز بەكۆمەڵێك چاڵاكی جۆراوجۆر بەڕێوەچوو.
بەچەندین بڕگەی هەمە چەشن فێستیڤاڵەكە دەستی پێكرد وەكو، سروودی ستایشی ئاینیی لەلایەن گروپێك لەسوورد خوێنانی تێبینەرایەتی ئەوقافی رواندز پێشكەشكرا، دواتر كارمەند رواندزی و بەختیار كەریم، كۆمەڵێك لاوك حەیرانیان پێشكەشكرد.
هەر لە فیستیڤاڵەكەدا قوتابیانی ئامادەیی رواندزی كوڕان، شانۆگەری (ژیانی لادێ و هەرەوەز)یان نمایشكرد.
هەردوو هونەرمەندی میللی دەڤەرەكە، سەدیق فەقیانی و مەحموود زیرەك ـیش بەشێكی هونەری ئەو شەوەیان بەحەیران و گۆرانی رازاندەوە هەر بەم بۆنەیەوە رێز لە چەند هونەرمەندێك نرا، دوا برگەی فێستیڤاڵیش ئەنجامدانی یاریی گوستیلانێ بوو لەنێوان هەردوو تیمی رواندز و زاخۆ.
رواندز، لەساڵی 1645 لەلایەن ئوغز بەگی گەورە، بو,ەتە پایتەختی میرنشینی سۆران، هەربۆیەش 10ـی 4 وەك رۆژی شارەكە دەستنیشاكراوە.
ئا- كامران
کۆمێنت (0)
تا ئێستا هیچ کۆمێنتێک نەکراوە.