رووسەکان بەشێوەیەکی سادە لە بۆردومانەکان خۆیان دەدزنەوە

بە گوێرەی میدیاکانی رۆژئاوا، هێزەکانی رووسیا دووچاری زەحمەتی گەورە بوونەتەوە لە ئۆکراینا، چونکە رووسەکان پەنایان بردووەتە بەر بەکارهێنانی لقی درەخت و پووش و فەرشی راخستن بۆ شاردنەوەی کەرەستە و کەلوپەلی سەربازی و تانک و زریپۆشەکانیان، ئەمەش زۆرێک لە شرۆڤەکاران دەیگەڕێننەوە بۆ کەمی بەرەوپێشچوونی تەکنەلۆجیایی و خراپی خۆئامادەکردنی هەندێ لە فەرماندە سەربازییەکان بۆ شەڕکردن.
خۆشاردنەوەی تانک و کەرەستەکان بە بەشێکی سەرەکی دادەنرێت لە گۆڕەپانی شەڕدا، بەڵام بەشێوەیەکی سەردەمیانە، بە بۆچوونی چاودێران، کە چاودێری ململانێی رووسیا و ئۆکراینا دەکەن لە نزیکەوە، هەندێ لە یەکە رووسییەکان لێهاتوویی تەواویان نییە بۆ خۆشاردنەوە و کەرەستەی گونجاویان لە بەردەست نییە.