وه‌زاره‌تی بازرگانی عێراق واده‌ی دابه‌شكردنی به‌شه‌خۆراكی هاووڵاتییانی له مانگی ڕه‌مه‌زان ئاشكرا كرد.
محه‌مه‌د حه‌نوون گوته‌بێژی وه‌زاره‌تی بازرگانی عێراق ڕایگه‌یاند: وه‌زاره‌تی بازرگانی ئێستا ئاماده‌كاری ده‌كات بۆ دابه‌شكردنی سه‌به‌ته‌ی سێیه‌می به‌شه‌خۆراكی هاووڵاتییان له مانگی ڕه‌مه‌زاندا ئه‌ویش له‌دوای به‌رزبوونه‌وه‌ی خۆراك له بازاڕه‌كاندا و وه‌ك هاوكارییه‌ك بۆ هاووڵاتییان.
ڕاشیگه‌یاند: سه‌به‌ته‌ی سێیه‌می به‌شه‌خۆراك له هه‌فته‌ی سێیه‌می مانگی ڕه‌مه‌زاندا به‌سه‌ر هاووڵاتییان دابه‌ش ده‌كرێت.
گوته‌بێژه‌كه‌ی وه‌زاره‌تی بازرگانی هه‌روه‌ها ڕایگه‌یاند: بۆ له‌مه‌ودوا وه‌زاره‌ته‌كه‌مان پلانی داڕشتووه ساڵانه 12 سه‌به‌ته‌ی خۆراكی ته‌واو به‌سه‌ر هاووڵاتییان دابه‌ش بكات.
کۆمێنت (0)
تا ئێستا هیچ کۆمێنتێک نەکراوە.