دهزگای ڕۆشنبیری و ڕاگهیاندنی پارتی دیموكراتی كوردستان برووسكهیهكی پیرۆزبایی ئاراستهی كهناڵی ئاسمانی زاگرۆس تیڤی كرد بهبۆنهی چوارهمین ساڵیادی دهستبهكاربوونییهوه.
دهزگاكه له برووسكه پیرۆزباییهكهدا ڕایگهیاند: بە بۆنەی چوارەمین ساڵیادی دەستبەکاربوونی کەناڵی ئاسمانی زاگرۆس بە زمانی عەرەبی، گەرمترین پیرۆزبایی لە ئێوە و بینەرانی ئازیزی کەناڵەکەتان دەکەین و دەستخۆشی ئەو کار و ئەرکە گرنگ و کارگەرەتان لێ دەکەین.
ڕاشیگهیاند: کەناڵی ئاسمانی زاگرۆس بە دەسکەوتێکی دیکەی گرنگ دادەنرێت بۆ خزمەتگەیاندن بە بواری راگەیاندن بەو پێیەی یەکێکە لە دەزگا پێشکەوتووەکانی میدیایی و بەپێی بنەمایەکی پیشەوەرانە کار دەکات.
دهقی برووسکە پیرۆزباییهكهی دەزگای رۆشنبیری و راگەیاندنی پارتی دیموکراتی کوردستان:-
بەڕێزان/سەرپەرشتیار و ستافی بەڕێوەبردن و کادیر و کارمەندانی کەناڵی ئاسمانی زاگرۆس
بە بۆنەی چوارەمین ساڵیادی دەستبەکاربوونی کەناڵی ئاسمانی زاگرۆس بە زمانی عەرەبی، گەرمترین پیرۆزبایی لە ئێوە و بینەرانی ئازیزی کەناڵەکەتان دەکەین و، دەستخۆشی ئەو کار و ئەرکە گرنگ و کارگەرەتان لێدەکەین، هیوادارین بۆ ساڵی داهاتوو هەنگاوی نوێتر و باشتر بنێن.
کەناڵی ئاسمانی زاگرۆس، بە دەسکەوتێکی دیکەی گرنگ دادەنرێت بۆ خزمەتگەیاندن بە بواری راگەیاندن بەو پێیەی یەکێکە لە دەزگا پێشکەوتووەکانی میدیایی و بەپێی بنەمایەکی پیشەوەرانە کار دەکات، بۆیە رۆڵی ئێوە زۆر دیار و کاریگەرە.
لەم یادەدا وێڕای پیرۆزبایی گەرممان، پشتیوانی خۆمان بۆ کەناڵی ئاسمانی زاگرۆس دووپات دەکەینەوە و هیوادارین ھانگاوی باشتر بنێن بۆ زیاتر ناساندنی کولتووری لێبوردەیی و ئاشتیخوازی گەلەکەمان و، باشتر گەیاندنی پەیامی نەتەوەیی و نیشتمانیمان. ھەر سەرکەوتووبن...
دەزگای رۆشنبیری و راگەیاندنی
پارتی دیموکراتی کوردستان
11ـی ئاداری 2022
کۆمێنت (0)
تا ئێستا هیچ کۆمێنتێک نەکراوە.