لقی دووی پارتی دیموكراتی كوردستان ئهمڕۆ ههینی پهیامێكی بڵاو كردهوه و تێیدا ئاماژهی بهوهدا كه لە مێژووی پڕ لەشانازی و سەروەری نەتەوەکەماندا یادی دوو ڕووداوی مەزن دەکەینەوە ئهوانیش بریتین له ڕێککەوتننامەی یازدەی ئاداری ساڵی 1970 و ڕاپەڕینی خەڵکی قارەمان و نیشتمانپەروەری شاری هەولێری دوژمنبەزێن.
لقی دوو له پهیامهكهدا ڕایگهیاند: ڕێککەوتننامەی یازدەی ئادار بە چۆکداهێنانی سەرسەختترین دوژمنی کورد و کوردستان بوو، سەرکەوتنی حیکمەت و لێزانی ڕابەری نەتەوە مستەفا بارزانی و ئیرادە و خۆڕاگری پێشمەرگە و خەڵک بوو لەپێناو بەدەستهێنانی ماف و ئازادی.
ڕاشیگهیاند: هاوکات ئەمڕۆ یادی ڕاپەڕینی شکۆداری هەولێری دوژمن بەزێن دەکەینەوە کە لە 11 ئاداری 1991 بە بەرزی باڵای منارە و شکۆی قەڵاوە هاواریان بۆ ئازادی هەڵبڕی، لەو ڕۆژەدا ئیرادە و هەڵمەتی کوڕان و کچانی هەولێر ئاوێتەی هێز و ورەی پێشمەرگەبوون و کەرنەڤاڵی ئازادی و سەربەستیان نەخشاند.
دهقی پهیامی لقی دووی پارتی دیموكراتی كوردستان:-
ڕێککەوتننامەی یازدەی ئاداری ساڵی 1970 بەچۆکداهێنانی سەرسەختترین دوژمنی کورد و کوردستان بوو، سەرکەوتنی حیکمەت و لێزانی ڕابەری نەتەوە مستەفا بارزانی و ئیرادە و خۆڕاگری پێشمەرگە و خەڵک بوو لەپێناو بەدەستهێنانی ماف و ئازادی.
ڕێککەوتننامەی (11 ئاداری 1970) کەبەر لە 52 ساڵ لەنێوان حکوومەتی عێراق و سەرکردایەتی سیاسی کورد بەڕابەرایەتی بارزانی نەمر واژوو کرا، بەرهەمی ساڵەهای ساڵی تێکۆشان و ئازایەتی و قوربانیدانی پێشمەرگە قارەمانەکان بوو، ڕووداوێکی مێژوویی گرینگ بوو لەپێناو چەسپاندنی دیموکراسی و سەقامگیری لە ناوچەکەدا.
ڕێککەوتننامەکە بەڵگەنامەیەکی مێژوویی سەنگین و دەسکەوتێکی دیکەی گرینگی کورد و پارتیمان بوو بە سەرۆکایەتی بارزانی نەمر بۆ پێداگرتن و خەباتکردنی بێوچان لەپێناو گەیشتن بە مافە نەتەوەییەکانمان، ئەو ڕێککەوتننامەیە زەمینەیەکی لەباری بۆ ئاشتەوایی و دابینکردنی خۆشگوزەرانی بۆ خەڵک و ئاوەدانکردنەوە ڕەخساند کە ئەوەش دەلالەتی حیکمەت و وردبینی و پلانڕێژی بارزانی نەمر و سەرکردایەتی پارتی بوو کە بەپێی ناوەڕۆکی ڕێککەوتننامەکە حکوومەتی عێراقی ناچاری ملکەچکردن کرد بۆ داوا و مافە ڕەواکانی گەلی کورد و بزووتنەوە ڕزگاری خوازەکەی، لەلایەکی دیکە سەرکەوتنی ئیرادەی ئاشتیخوازی و ژیاندۆستی و لاشەڕی کوردستانیان بوو بەسەر بیری شەڕانگێزی و هەوڵی سڕینەوە و لەناوبردن و بەپاشکۆکردنی کورد.
لەو ساڵیادە مەزنەدا بە شانازییەوە ڕۆڵی بەرز و حەکیمانەی سەرۆک مەسعود بارزانی و کاک ئیدریسی جوانەمەرگ دێنینەوە بیر کە لەژێر ڕێنمایی و چاودێری بارزانی نەمردا توانیان لێزانانە نوێنەرایەتی گەلەکەمان بکەن لە گفتوگۆ و دانوستانەکاندا تا گەیشتن بەو ڕێککەوتننامەیە کە بەیەکەم بەڵگەنامەی مێژوویی دانپێدانراو دادەنرێ بۆ سەلماندنی مافە نەتەوەییەکانمان و بناغەی ئەو دەسکەوتانەیە کە ئەمڕۆ هەمانە.
هاوکات ئەمڕۆ یادی ڕاپەڕینی شکۆداری هەولێری دوژمنبەزێن دەکەینەوە کە لە 11 ئاداری 1991 بە بەرزی باڵای منارە و شکۆی قەڵاوە هاواریان بۆ ئازادی هەڵبڕی، لەو ڕۆژەدا ئیرادە و هەڵمەتی کوڕان و کچانی هەولێر ئاوێتەی هێز و ورەی پێشمەرگەبوون و کەرنەڤاڵی ئازادی و سەربەستیان نەخشاند.
کە هەولێر ڕاپەڕی دوژمن بەیەکجاری چۆکی شکا و لەبەردەم خەڵک و پێشمەرگەدا ملی کەچ کرد، بەپلانداڕێژی و سەرکردایەتی سەرۆک مەسعود بارزانی لەماوەیەکی کورتدا شاری هەولێر بەتەواوی ئازادکرا و جەماوەر و پێشمەرگە ئاهەنگی سەرکەوتنیان گێڕا.
ڕاپەڕینی هەولێرییەکان و ئازادکردنی هەولێر لەسەر ئاستی ناوخۆیی و دەرەوەشدا دەنگدانەوەیەکی بەهێزی هەبوو کە بووە هۆی سەرکەوتنی یەکجاری گەلەکەمان و وەدەرنانی دامودەزگا داپڵۆسێنەرەکانی بەعس بەتەواوی و گەیشتنی ڕاپەڕین بە قۆناغێکی گرینگ.
یادی شکۆداری ڕێککەوتننامەی 11ی ئاداری ساڵی 1970 و ڕاپەڕینی هەولێری دوژمنبەزێن لە جەنابی سەرۆک مەسعود بارزانی و سەرکردایەتی پارتی و پێشمەرگە قارەمانەکانی شۆڕشی مەزنی ئەیلوول و گوڵانی پێشکەونخواز و سەجەم تێکۆشەرانی گەلەکەمان پیرۆز دەکەین.
رووحی شەهیدە سەربەرزەکانمان شاد، حورمەت بۆ کەسوکار و خانەوادە بەڕێزەکانیان دەنێرین.
بەڵێنی بەردەوامبوون لەسەر ڕێبازی بارزانی ڕابەر و جەخت لە پڕەنسیپەکانی ڕاپەڕین و پارێزگاری لە نیشتمان و دەستکەوتەکانمان دەکەینەوە.
لقی دووی پارتی دیموکراتی کوردستان
2022/3/11
کۆمێنت (0)
تا ئێستا هیچ کۆمێنتێک نەکراوە.