له‌ باسكه‌ی پیشگه‌رانی ئه‌مه‌ریكا گۆڵدن ستیت سه‌ركه‌وتنی به‌سه‌ر لۆس ئه‌نجلوس كلیبه‌رز تۆماركرد

له‌میانی یاریه‌كانی گه‌ری شه‌ست و شه‌شی خولی باسكه‌ی پیشگه‌رانی ئه‌مه‌ریكا، تیپی باسكه‌ی گۆڵدن ستیت له‌سه‌ر یاریگا و له‌به‌رده‌م هانده‌رانی به‌ئه‌نجامی سه‌د و دوانزه‌ خال به‌رامبه‌ر به‌نه‌وه‌دو حه‌وت خاڵ سه‌ركه‌وتنی به‌سه‌ر تیپی باسكه‌ی لۆس ئه‌نجلوس كلیبه‌رز تۆماركرد.
 له‌نیوه‌ی یه‌كه‌می یاریه‌كه‌ یاریزانانی گۆڵدن ستیت باشتر ده‌ركه‌وتن و نیوه‌ی یه‌كه‌م به‌ئه‌نجامی په‌نجاو چوار خال به‌رامبه‌ر به‌ سی و شه‌ش خال له‌پێشه‌وه‌بوو، له‌نیوه‌ی دووه‌م و له‌ماوه‌ی كۆتایی لۆس ئه‌نجلوس كلیبه‌رز زۆر هه‌ولیدا بگه‌رێته‌وه‌ كه‌شی ركابه‌ری، به‌لام یاریزانانی گۆڵدن ستیت توانیان یاریه‌كه‌ به‌ئه‌نجامی سه‌دو دوانزه‌ خال به‌رامبه‌ر به‌نه‌وه‌دو حه‌وت خاڵ بۆ به‌رژه‌وه‌ندی خۆیان یه‌كلابكه‌نه‌وه‌.