گوتەبێژی سەرۆکایەتی کۆماری تورکیا ئەمڕۆ شەممە ڕایگەیاند، سەرۆکی وڵاتەکەی لە پەیوەندی تەلەفۆنی لەگەڵ هاوتا ڕووسییەکەی داوا دەکات دەستبەجێ شەڕ ڕابگرێت.
ئیبراهیم کاڵن لە چاوپێکەوتنێکیدا ڕایگەیاند: بڕیارە سبەی یەکشەممە ڕەجەب تەیب ئەردۆغان سەرکۆماری تورکیا و ڤلادیمێر پووتین سەرۆکی ڕووسیا لە ڕێی تەلەفۆنەوە قسە بکەن.
ڕاشیگەیاند: لە پەیوەندییەکەدا ئەردۆغان داوا لە پووتین دەکات دەستبەجێ کۆتایی بەم شەڕە بهێنێت، دەرفەتێک بڕەخسێنێت بۆ ئاگربەست و دانوستان.
ئاماژەی بەوەشدا کە سەرۆکی تورکیا مەبەستییەتی "گفتوگۆی ئاستی سەرکردەکان لەنێوان ڕووسیا-ئۆکراینا لە تورکیا بەڕێوەبچێت."
کۆمێنت (0)
تا ئێستا هیچ کۆمێنتێک نەکراوە.