گوهدار شێخۆ: چ گۆمان تێدا نینە خزمەتکرنا ئاوارە و پەنابەران ئەرکەکی نشتیمان پەروەرانە یە

ئەڤرۆ رێکەڤتی 2\3\2022 گوهدار شێخۆ سەرپەرشتێ ئیدارا سەربەخۆ یا زاخۆ پێشوازی ل بەرێزان ، حسێن کەلاری ڕێڤەبەرێ گشتی ل وەزارەتا ناڤخۆ ،رێکخراوا THW یا ئەلمانی و ڕێڤەبەرییا کۆچ و کۆچبەران ئۆفیسا دهۆک، و شاندێن دگەلدا کر.
دروونشتن و هەڤدیتنا خوەدا، بەرێزان باس کاروبارێن ئاوەرەیان و هەروەسا خزمەتگوزارییێن دگەهن وانا چ ژئالیێ حکومەتا هەرێمێ یان رێکخراوێن بیانی، دهێتە زانین ل سنۆرێ ئیدارا سەربەخۆ یا زاخۆ پێنج کەمپێن ئاوارەیان هەنە، و تا نها حکومەتا هەرێما کوردستانێ کەمتر خەمی د دەربارەیی خزمەتکرنا ئاوارە و پەنابەراندا نەکرییە. لەورا گۆمان تێدا نینە خزمەتکرنا ئاوەرە و پەنابەرا ئەرکەکی نشتیمان پەروەرانەیە.
مەرەم ژ ڤێ سەرەدانێ ئەوبوو پرۆژێ ئاڤاکرنا گۆگەهان بۆ گوگەهکرنا کەل و پەلێن ئاوارەیان ب داوی هاتییە ،دهێتە زانین لژێر سەرپەرشتییا رێکخراوا THW یا ئەلمانی و چاڤدێرییا حکومەتا هەرێمێ هاتییە ئاڤاکرن و دێ رادەستی ئیدارا سەربەخۆ یا زاخۆ کن بۆ خزمەتکرنا ئاوارەیان.