ئه‌مڕۆ مووچەی ئەم شوێنانە دابەشدەکرێت

 وه‌زاره‌تی دارایی و ئابووری له‌ دابه‌شكردنی مووچه‌ی مانگی یه‌كی ئه‌مساڵ به‌رده‌وامه‌.
به‌گوێره‌ی خشته‌ی بڵاوكراوه‌ی وه‌زاره‌تی دارایی و ئابووری حكوومه‌تی هه‌رێمی كوردستان، ئه‌مڕۆ پێنجشه‌ممه‌ 10ى 2 ى 2022، مووچه‌ی ئه‌م شوێنانه‌ دابه‌شده‌كرێت: ( وه‌زاره‌تی ئەوقاف و كاروباری ئاینی و دیوانی چاودێری دارایی و دەستەی مافی مرۆڤ و ناوچەكانی دەرەوەی هەرێم و دەستەی ژینگە و دەستەی وەبەرهێنان و دەستەی دەستپاكی و كۆمیسۆنی هەڵبژاردنەكان و دەزگای مین). 
دابەشکردنی مووچەی مانگی یه‌كی ئەمساڵ لە ڕۆژی 25ی مانگ بە وەزارەتی تەندروستی دەستیپێکرد و تا ئێستا پڕۆسەکە بەردەوامی هەیە.