عه‌مید یه‌حیا سه‌ریع ،وته‌بێژی ئه‌نساڕوڵڵا( حوسییه‌كانی یه‌مه‌ن) ئه‌مڕۆ سێشه‌ممه رایگه‌یاند: ژووری ئۆپه‌راسیۆنه‌كانی مه‌یدانی شبوه‌ی سه‌ر به ئیمارات به ئامانج گیراوه.
سه‌ریع له تویتێكدا له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر گوتی: ئێواره‌ی دوێنێ هێزه رۆكێتییه‌كانمان توانیویانه ژووری ئۆپه‌راسیۆنه‌كانی مه‌یدانی سه‌ر به ئیمارات له به‌ڕێوه‌به‌رایه‌تی عه‌سیلان له پارێزگای شبوه به رۆكێتێكی بالیستی بۆردومان بكه‌ن.
هه‌روه‌ها گوتیشی: له‌ئاكامی بۆردومانه‌كه‌دا ژماره‌یه‌كی زۆری ئیماراتی كوژراون و برینداربوون.
وته‌بێژی حوسییه‌كانی یه‌مه‌ن ئاماژه‌ی به‌وه‌شداوه كه له‌م ژووره‌ی ئۆپه‌راسیۆنی شبوه ،سه‌رپه‌رشتی شه‌ڕه‌كان ده‌كرێت .
تا ئێستا ئیمارت هیچ روونكردنه‌وه‌یه‌كی سه‌باره‌ت به‌و هێرشه نه‌داوه.
کۆمێنت (0)
تا ئێستا هیچ کۆمێنتێک نەکراوە.