بوومەلەرزەیەک کەناراوەکانی قوبرسی لە دەریای ناوەڕاست هەژاند

بوومەلەرزەیەک بەگوڕی 6،4 پلە، کەناراوەکانی دوورگەی قوبرسی لە دەریای ناوەڕاست هەژاند.

بەپێی زانیارییەک کە لە ماڵپەڕی سەرۆکایەتی ئیدارەدانی کارەسات و باری لەناکاو AFAD دا بڵاوکراوەتەوە، بوومەلەرزەکە کاتژمێر 04:07 بە کاتی ناوخۆی تورکیا بەگوڕی 6،4 پلەی ریختەر لە کەناراوەکانی باشووری خۆرئاوای دوورگەی قوبرس لە دەریای ناوەڕاست روویداوە.

ئاماژە بەوەش کراوە بوومەلەرزەکە کە لە قوڵایی 5،06 كیلۆمەتر روویداوە، ناوەندەکەی 134 کیلۆمەتر لە قەزای ئاناموری مێرسین دوور بووە.

بوومەلەرزەکە لە ئانتاڵیا، مێرسین، هاتای، ئادانا، ئیسپارتا، بوردور و کۆنیا و بەتایبەتی لە دوورگەی قوبرس هەستی پێکراوە.