تیما په‌روه‌ردا سلێمانیێ ناسناڤێ قاره‌مانیا ته‌پا سه‌ر مێزێ ل سه‌ر ئاستێ په‌روه‌ردێن گشتى ل هه‌رێما كوردستانێ بو كور وكچان بده‌ستڤه‌ئینا

ئه‌ڤرۆ سپێدێ  رۆژا دوو شه‌مبى  28/ 2 /2022  ل یاریگه‌ها یانا دهۆكێ ب چاڤدێریا به‌رێز ئالان محمد سعید وه‌زیرێ په‌روه‌ردێ وب ئاماده‌بونا به‌رێز د.عه‌لى ته‌ته‌ر پارێزگارێ دهۆكێ ورێڤه‌به‌رێ گشتى یێ په‌روه‌ردێ ل پارێزگه‌ها دهۆكێ  یاریا دوماهیێ ژقاره‌مانیا ته‌پا سه‌ر مێزێ دناڤبه‌را په‌روه‌رده‌یێن دهۆك وسلێمانیێ وهه‌ولێر وسلێمانیێ بو كوران وكچان هاته‌ ئه‌نجامدان.
وپشتى هه‌ڤركییه‌كا دژوار تیما په‌روه‌ردا سلێمانیێ یا كوران سه‌ركه‌فتن ل سه‌ر تیما په‌روه‌ردا پارێزگه‌ها دهۆكێ (3 -1)  توماركر هه‌روه‌سا تیما په‌روه‌ردا سلێمانێ  یا كچان سه‌ركه‌فتن لسه‌ر تیما كچان یا په‌روه‌ردا هه‌ولێرێ  (3- 1) توماركر.
ل دوماهیێ خه‌لات ل سه‌ر تیما سه‌ركه‌فتى ویێن پشكدار هاتنه‌ به‌لاڤكرن.
هه‌ژى گوتنێ یه‌ ئه‌ڤ قاره‌مانیه‌ دچارچوڤێ رێڤه‌به‌ریا گشتى یا چالاكیێن وه‌رزشى وهونه‌رى ل وه‌زاره‌تا په‌روه‌ردێ وب هه‌ڤكاریا رێڤه‌به‌ریا چالاكیێن وه‌رزشى وهونه‌رى ل پارێزگه‌ها دهۆكێ هاتبو ئه‌نجامدان وب پشكداریا په‌روه‌دێن گشتى ل (دهۆك وسلێمانیێ وهه‌ولێر وكه‌ركوك وگه‌رمیان وهه‌له‌بچه‌) .