سەرۆكایەتیی ئەركانی ئۆكراینا لە راگەیەندراوێكدا كە لە هەژماری تایبەتی خۆی لە تۆڕی كۆمەڵایەتیی فەیسبووك بڵاویكردووەتەوە، تیایدا ئاماژەی بەوە دراوە كە سوپای ئۆكراینا، هێلیكۆپتەرێك و دوو فڕۆكەی جەنگیی لە جۆری 25 ــ SU و فڕۆكەیەكی جەنگیی لە جۆری 76ـII ی رووسیای خستووە تەخوارەوە.
ئەوەیش خراوەتەڕوو كە هێزەكانی رووسیا هەوڵیانداوە بە پەڕەشووت لە شاری فاسیلكیڤ باشووری كییڤ بێنەخوارەوە.
لە راگەیەندراوەكەدا جەخت كراوەتە لەسەر ئەوەی كە شەڕ و پێكدادانەكانی نێوان هێزەكانی ئۆكراینا و سەربازانی رووسیا لە شەقامەكانی كییڤ-ی پایتەخت بەردەوامە.
رۆژی پێنجشەممە 24ی ئەم مانگە ئۆپەراسیۆنی سەربازیی رووسیا بۆسەر ئۆكراینا دەستی پێكرد كە ئەوەیش كاردانەوەی توندی ژمارەیەك وڵاتی لێكەوتەوە و داوایان كرد كە سزاكانی سەر رووسیا توندتر بكرێن
کۆمێنت (0)
تا ئێستا هیچ کۆمێنتێک نەکراوە.