كۆریای باشوور ئه‌مڕۆ هه‌ینی ڕایگه‌یاند كه حكوومه‌تی وڵاته‌كه‌ی سزای تاكلایه‌نه به‌سه‌ر ڕووسیا ناسه‌پێنێ به‌هۆی هێرشه‌كانی بۆ سه‌ر ئۆكڕانیا.
پارك سو هیون له ژووری ڕاگه‌یاندنی نووسینگه‌ی سه‌رۆكی كۆریای باشوور ڕایگه‌یاند: كۆریای باشوور بڕیاری داوه سزای تاكلایه‌نه و به‌ته‌نیا نه‌سه‌پێنێ به‌سه‌ر ڕووسیا و بگره ئێمه به ته‌نیا ناتوانین ئه‌م كاره بكه‌ین.
ڕاشیگه‌یاند: به‌ڵام ئه‌گه‌ر ئه‌مه‌ریكا و وڵاتانی ئه‌وروپا هه‌ر سزایه‌ك به‌سه‌ر ڕووسیا بسه‌پێنن، به‌شێوه‌یه‌كی ئاسایی ئێمه له‌گه‌ڵ ئه‌و سزایه ده‌بین و پشتگیری ده‌كه‌ین.
جه‌ختیشی كرده‌وه كه ئێستا 64 هاووڵاتی كۆریای باشوور له ئۆكڕانیا گیریان خواردووه و 36 له‌وان په‌یوه‌ندییان كردووه بۆ ئه‌وه‌ی هه‌وڵی ڕزگاركردنیان بده‌ین.
ئه‌ندامه‌كه‌ی ژووری ڕاگه‌یاندنی نووسینگه‌ی سه‌رۆكی كۆریای باشوور هه‌روه‌ها ئاماژه‌ی به‌وه‌دا كه په‌یوه‌ندی به‌رده‌وامیان له‌گه‌ڵ كونسوڵخانه‌ی وڵاته‌كه‌یان له ئۆكڕانیا هه‌یه و له هه‌وڵه‌كان به‌رده‌وامن بۆ ڕزگاركردنی هاووڵاتییه‌كانیان.
کۆمێنت (0)
تا ئێستا هیچ کۆمێنتێک نەکراوە.