هەڵبژاردەی ئیسپانیا گەیشتە یاری كۆتایی خولی نەتەوەكانی ئەوروپا بۆ تۆپی پێ، لە یەكەم یاری قۆناغی پێش كۆتایی خولەكەو لە یاریگای سان سیرۆ لە شاری میلانۆی ئیتاڵیا.
هەڵبژاردەی ئیسپانیا سەركەوتنی لە دەرەوەی یاریگای خۆی بەدەستهێناو بە دوو گۆڵ بەرامبەر بە گۆڵێك لە هەڵبژاردەی ئیتاڵیای میوانداری بردەوە.
لە خولەكی حەڤدەدا، یاریزان فێران تۆرێس گۆڵێكی بۆ ئیسپانیا تۆماركرد، پاشان ناوبژیوان بە كارتی سوور، لیۆناردۆ بۆنوچی بەرگریكاری ئیتاڵیای بە كارتی سوور كردە دەرەوەی یاریگاو بەو هۆیەوە تیپی میواندار یاریەكەی بە دە یاریزان تەواوكرد.
لە دواساتەكانی گێمی یەكەمیش فێران تۆرێس دەرفەتێكی قۆستەوەو گۆڵی دووەمی خۆی و ماتادۆری بەدەستهێناو ئەم گێمە بە دوو گۆڵی بێ بەرامبەر بە سوودی ئیسپانیایەكان تەواوبوو.
لە گێمی دووەم و لە خولەكی هەشتاوسێدا، یاریزان لۆرێنزۆ پێلیگرینی تاكە گۆڵی ئیتاڵیای لە یاریەكە تۆماركرد، بەم بردنەوەش هەڵبژاردەی ئیسپانیا ڕیكۆردی پێوانەیی هەڵبژاردەی ئیتاڵیای لە سیی و حەوت یاری لەسەریەك بەبێ دۆڕان كۆتایی پێهێناو گەیشتە یاری كۆتایی خولی نەتەوەكانی ئەوروپا بۆ تۆپی پێ.
کۆمێنت (0)
تا ئێستا هیچ کۆمێنتێک نەکراوە.