له درێژه‌ی ڕكابه‌رییه‌كانی خولی تۆپی پێی یانه‌كانی ئه‌مه‌ریكا، یانه‌ی سپۆرتینگ كانساس سیتی به چوار گۆڵ به‌رامبه‌ر به دوو گۆڵ له یانه‌ی هیوستن دینامۆی میوانی برده‌وه.
یاریزانانی سپۆرتینگ كانساس سیتی به شێوه‌یه‌كی به‌هێز ده‌ستیان به ڕووبه‌ڕوو بوونه‌وه‌كه كردو چه‌ندین هێرشیان كرده سه‌ر گۆڵی تیپی میوان، یه‌كێك له هێرشه‌كانیش لێدانێكی سزای لێكه‌وته‌وه‌و له جێبه‌جێ كردنی لێدانه‌كه‌دا، هێرشبه‌ری سكۆتله‌ندی، جۆنی ڕۆسێل گۆڵێكی بۆ میوانداره‌كان له خوله‌كی شازده تۆماركرد.
پاشان هێرشبه‌ری هه‌نگاری دانیێل سالۆی گۆڵی دووه‌می سپۆرتینگ كانساس سیتی له خوله‌كی بیستوشه‌ش به‌ده‌ستهێناو گێمی یه‌كه‌م به‌م ئه‌نجامه ته‌واوبوو، له گێمی دووه‌م و له خوله‌كی په‌نجاویه‌كدا یاریزان فابریس پیكاول گۆڵێكی بۆ هیوستن دینامۆ تۆماركرد.
دوای شه‌ش خوله‌كی دیكه‌ش، ناوه‌ڕاستكاری ئیسڕائیلی، گادی كیندا گۆڵی سێیه‌می كانساس سیتی به‌ده‌ستهێنا، دواتر هێرشبه‌ری كۆلۆمبی داروین كوینتێرۆ گۆڵی دووه‌می تیپی میوانی له خوله‌كی حه‌فتاوشه‌ش تۆماركردو جیاوازی گۆڵه‌كانی كه‌مكرده‌وه.
له دواساته‌كانی یاریش، جۆنی ڕۆسێل گۆڵی دووه‌می خۆی و چواره‌می تیپه‌كه‌ی به‌ده‌ستهێنا.
به‌م بردنه‌وه‌ش كۆی خاڵه‌كانی سپۆرتینگ كانساس سیتی له پله‌ی دووه‌می ڕیزبه‌ندی گڕوپی ڕۆژئاوای خولی ئه‌مه‌ریكا بۆ په‌نجاودوو خاڵ به‌رزبووه‌وه‌و هیوستن دینامۆش به بیستوحه‌وت خاڵ له پله‌ی دوازده‌م و پێش كۆتایی ڕیزبه‌ندی گڕوپه‌كه دێت.
له‌خولی ئه‌مریکادا سپۆرتینگ کانساس سیتی سه‌رکه‌وتنی به‌سه‌ر هیوستن دینامۆ تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.