بوومه‌له‌رزه‌ له‌ ڕانیه‌ ڕوویداوه‌

به‌ره‌به‌یانی ئه‌مڕۆ هه‌ینی بوومه‌له‌رزه‌یه‌ك له‌ شاری ڕانیه‌ی سه‌ر به‌ ئیداره‌ی سه‌ربه‌خۆی ڕاپه‌ڕین ڕوویداوه‌.

په‌یامنێری (كوردستان تیڤی) ڕایگه‌یاند، بوومه‌له‌رزه‌كه‌ نزیك كاتژمێر 10ی به‌یانی ڕوویداوه‌ و هاووڵاتییانی شاره‌كه‌ هه‌ستیان به‌ زه‌وی له‌رزینه‌كه‌ كردووه‌.

ئاشكراشی كرد كه‌ به‌گوێره‌ی زانیارییه‌كان زه‌وی له‌رزه‌كه‌ به‌ گوڕی 2.8ی پله‌ی ڕێخته‌ر بووه‌ و ناوه‌نده‌كه‌شی چه‌قی شاری ڕانیه‌ بووه‌.

په‌یامنێری (كوردستان تیڤی) هه‌روه‌ها ئاشكرای كرد كه‌ بوومه‌له‌رزه‌كه‌ زیانی گیانی و مادی نه‌بووه‌، به‌ڵام دڵه‌ڕاوكێی لای هاووڵاتییانی شاری ڕانیه‌ و ده‌وروبه‌ری دروست كردووه‌.