سه‌دان خێزان له هۆزی هه‌زازه كه له‌سه‌ر مه‌زهه‌بی شیعه‌ن و له ناوه‌ڕاستی ئه‌فغانستان ژیان به‌سه‌ر ده‌به‌ن، له‌وه‌ته‌ی تاڵیبیان ده‌ستی به‌سه‌ر كابوولدا گرتووه، ماڵه‌كانیان جێهێشتووه و ده‌ركراون.
له‌م هه‌فته‌یه‌دا بزووتنه‌وه‌ی تاڵیبان ئاگاداری دانشتووانی هه‌ردوو گوندی كه‌ندیر و تاجبداری كردبووه‌وه له ماوه‌ی 9 ڕۆژدا ماڵه‌كانیان جێبێڵن، دانشتووانی گونده‌كه‌ش جه‌خت له‌وه ده‌كه‌نه‌وه دوای ئاگادارییه‌كه نزیكه‌ی 700 خێزان له هۆزی هه‌زازه ماڵه‌كانیان جێهێشتووه.
هه‌فته‌ی ڕابردووش مه‌لا موسه‌فیر حاكمی تاڵیبان له ناوچه‌ی پاتۆ له هه‌رێمی دایكه‌ندی فه‌رماندی به دانیشتووانی هه‌ردوو گوندی شاگۆلجا و خه‌رجاكی دابوو له ماوه‌ی 5 ڕۆژدا ناوچه و ماڵه‌كانیان جێبێڵن.
دوای جێهێشتنی ماڵه‌كانیشیان، پیاوانی بزووتنه‌وه‌ی تاڵیبان و لایه‌نگرانی چوونه‌ته سه‌ر ماڵی شیعه‌كانی هۆزی هه‌زازه و ده‌ستیان به‌سه‌ر موڵك و ماڵ و سه‌روه‌ت و سامانه‌كانیان گرتووه.
کۆمێنت (0)
تا ئێستا هیچ کۆمێنتێک نەکراوە.