ئێوارەى ئەمڕۆ پێنجشەم، نێچیرڤان بارزانى سەرۆکى هەرێمى کوردستان پێشوازى لە بەڕێز خالد بن حەمەد ئەلسولەیتى باڵیۆزى قەتەر لە عیراق کرد.
لە دیدارێکدا برەودان بە پەیوەندییەکانى عیراق و هەرێمى کوردستان لەگەڵ قەتەر، بە تایبەتى لەبوارى ئابوورى و بازرگانی و هاندانى سەرمایەگوزارى و وەبەرهێنانى قەتەرى لە بوارە جیاکاندا لە عیراق و هەرێمى کوردستان خرانە بەر باس.
کۆنفرانسى بەغدا بۆ هاریکارى و هاوبەشى، گرینگیى پەیوەندییەکانى عێراق لەگەڵ وڵاتانى دراوسێ و ناوچەکە، هەڵبژاردنەکانى داهاتووى عیراق و چەند پرسێکى دیکەى جێى بایەخى هەردوولا، تەوەرێکى دیکەى دیدارەکە بوو.
کۆمێنت (0)
تا ئێستا هیچ کۆمێنتێک نەکراوە.