وەزیری پێشمەرگە و بەرپرسانی تیمی ئۆفیسی هاریکاری ئاسایشی هەرێمی ئەمریکا لەعێراق و هەرێمی کوردستان، تاوتوێی دواین گۆڕانکارییەکان و باردۆخی ئێستای ناوچەکەو، پڕۆسەی رێفۆرمی سەربازی لەوەزارەتی پێشمەرگە و دەرئەنجامەکانی دیالۆگی ستراتیژی ئەمریکا ـ عێراق دەکەن.
له راگه‌یاندراوێكدا، وه‌زاره‌تی پێشمه‌رگه‌ی هه‌رێمی كوردستان بڵاویكرده‌وه: دره‌نگانی شه‌وی رابردوو، شۆڕش ئیسماعیل، وەزیری پێشمەرگەی حکومەتی هەرێمی کوردستان، لەئۆفیسی تایبەتی خۆی لەشاری هەولێر، پێشوازی لەجەنەڕاڵ فلیپس، بەرپرسی تیمی ئۆفێسی هاریکاری ئاسایشی ئەمریکا لەعێراق و کۆڵۆنێڵ دۆگڵاس، بەرپرسی تیمی هاریکاری ئاسایشی ئەمریکا لەهەرێمی کوردستان و وەفدی یاوەری کرد.
وه‌زاره‌ت راشیده‌گه‌ێنێت: لەکۆبوونەوەیەکدا، کە لیوا روکن بەختیار محه‌مه‌د و عەمید روکن هەژار عومەر، راوێژکارانی باڵای وەزارەت ئامادەیبوون، وەزیری پێشمەرگە جەختیکردەوە، لەسەر پتەوکردنی زیاتری پەیوەندییەکان و پێکەوە هەنگاونان لەگەڵ راوێژکارانی سەربازی ئەمریکا، لەبەرامبەر پاراستنی ئاسایش و سەقامگیری ناوچەکە.
وتیشی: هەمووان بە لێپرسراویەتیەوە دەڕوانینە مەترسیەکانی ئێستای تیرۆریستان و دەبێت بەردەوام سازو ئامادەبین بۆ ریشەکێشکردن و لەناوبردنیان.
وه‌زاره‌تی پێشمه‌رگه ئاماژه بۆ ئه‌وه‌شده‌كات ، له كۆبوونه‌وه‌كه‌دا، جەنەڕاڵ فلیپس، دووپاتیکردەوە، کە بەردەوام دەبن لەرۆڵی خۆیان بۆ پێشکەشکردنی هاوکاری و هەماهەنگی لەگەڵ هێزەکانی پێشمەرگە و سوپای عێراقیدا، وتیشی: خوازیارین نزیکبوونەوەی زیاترو رێککەوتنی باشتر لەنێوان هێزی پێشمەرگەو سوپای عێراقدا بێتە ئاراوە.
راشیده‌گه‌یه‌نن:لەسەر پرسی دیالۆگی ستراتیژی ئەمریکا و عێراق، وەزیری پێشمەرگە روونیکردەوە، کە دڵخۆشن بە دەرئەنجامەکانی ئەو گفتوگۆیە، کە دواجار کەشێکی لەبار بۆ پێویستی مانەوەو بەردەوامبوونی هێزەکانی ئەمریکا و ئەرکی پێکەوەبوونمان لەسەر بەرەنگاری تیرۆر و تیرۆریستان دەهێنێتە ئاراوە.
له‌كۆتایی راگه‌یاندراوه‌كه‌ی وه‌زاره‌تی پێشمه‌رگه‌دا هاتووه: کۆبوونەوەکە، بەتاوتوێکردنی پڕۆسەی چاکسازی وەزارەتی پێشمەرگە و پێشخستن و سەرخستنی زیاتری ئەو پڕۆسەیە بەکۆتا هات.\
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.