پارێزگارێ دهۆکێ دخوازیت هاریکاریێن حکومه‌تا فره‌نسا یێن مرۆڤایه‌تى بۆ ئاواره‌ وپه‌نابه‌ران پتر لێ بهێن

ل كوچكا مێهڤانداریا  د.على ته‌ته‌ر  پارێزگارێ دهوكێ  پێشوازیا (ئولیڤیێ دیكیوتینى) كونسلێ گشتى یێ وه‌لاتێ فره‌نسا ل هه‌ولێرێ وهه‌ردوو په‌رله‌مانته‌رێن لیژنا كوچ وكوچبه‌ران ل په‌رله‌مانێ فره‌نسا(سێبستیان)و(سونیا)  وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن دێرین دناڤبه‌را وه‌لاتێ فره‌نسا وهه‌رێما كوردستانێ وره‌وشا ئاواره‌ وپه‌نابه‌ران ل سنورێ پارێزگه‌هێ وئه‌و هاریكاریێن حكومه‌تا هه‌رێمێ وحكومه‌تا فره‌نسا پێشكێشى ئاواره‌ وپه‌نابه‌ران ل سنورێ پارێزگه‌هێ دكه‌ن ب  گشتى هاته‌ كرن.
كونسلێ فره‌نسا وشاندێ په‌رله‌مانێ فره‌نسا دیاركر كو ئه‌و هاتینه‌ دا ژنێزیك ره‌وشا ئاواره‌ وپه‌نابه‌را لپارێزگه‌ها دهۆكێ بزانن وراپورته‌كا تێر وته‌سه‌ل ل سه‌ر چێكه‌ن وبگه‌هینه‌ لیژنا كوچ وكوچبه‌را ل په‌رله‌مانێ فره‌نسا بو وێ یه‌كێ هاریكاریێن پێدڤى بو ئاواره‌ وپه‌نابه‌ران ل پارێزگه‌ها دهۆكێ بهێنه‌ دابینكرن.
پارێزگارێ دهۆكێ په‌سنا رولێ حكومه‌ت وگه‌لێ فره‌نسا كر هه‌مبه‌ر هه‌بونا په‌یوه‌ندیێن دێرین دناڤبه‌را هه‌ردوو وه‌لاتان دا هه‌روه‌سا سوپاسیا حكومه‌تا فره‌نسا كر كو به‌رده‌وام هاریكاریا خوجهێن ده‌ڤه‌رێ وئاواره‌ وپه‌نابه‌ران دكه‌ن وخواست كو ئاستێ هاریكاریێن مروڤایه‌تى بهێته‌ زێده‌كرن چونكو ئه‌و رێژا زێده‌ یا ئاواره‌ وپه‌نابه‌ران فشارێن به‌رده‌وام دئێخنه‌ سه‌ر سكته‌رێن خزمه‌تگوزارى وره‌وش دخازیت پتر هاریكارى بهێنه‌ كرن.
هه‌ژى گوتنێ یه‌ شاندێ ناڤبرى ئه‌ڤرو سپێدێ سه‌را كه‌مپا به‌رده‌ره‌ش یا ئاواره‌یان دابوو وژنێزیك سه‌حكربوو ره‌وشا ئاكنجیێن كه‌مپێ.
تێته‌ زانین هه‌تا نوكه‌ ژى(20) كه‌مپێن ئاواره‌ وپه‌نابه‌ران ل سنورێ پارێزگه‌ها دهۆكێ هه‌نه‌.