به‌ ته‌مه‌نترین ژینگه‌پارێزی هه‌ولێر به‌ کۆڕۆنا کۆچی دوایی کرد

شه‌وی ڕابردوو به‌هۆی په‌تای كۆڕۆنا، به‌ته‌مه‌نترین ژینگه‌پارێز و خزمه‌تگوزاری شاری هه‌ولێر كۆچی دوایی كرد.

ئه‌م خزمه‌تگوزاره‌ ناوی مام عومه‌ر ڕه‌سووله‌‌ و ئه‌مساڵ له‌ ڕۆژی ژینگه‌پارێزی جیهاندا له‌لایه‌ن پارێزگای هه‌ولێره‌وه‌ ڕێزی لێ گیرابوو و به‌هۆی دڵسۆزی بۆ كاره‌كه‌ی خه‌ڵاتی پێشكه‌ش كرابوو.

ئومێد خۆشناو پارێزگاری هه‌ولێر هه‌واڵی كۆچی دوایی مام عومه‌ری پشتڕاستكرده‌وه‌ و ڕایگه‌یاند كه‌ شه‌وی ڕابردوو به‌هۆی تووشبوونی به‌ په‌تای كۆڕۆنا كۆچی دوایی كردووه‌.

پارێزگاری هه‌ولێر سه‌ره‌خۆشی خۆی و پارێزگا و خه‌ڵكی شاری هه‌ولێری ئاراسته‌ی ماڵباتی مام عومه‌ر كرد و هیوای خواست خوای گه‌وره‌ به ‌هه‌شتی به‌رینی شاد بكات.