پارێزگارێ دهۆکێ دگەل بازرگان و ژۆرا بازرگانی ل دۆر چارەکرنا کێشێن بازرگانی کۆمبوون

ئەڤرۆ رۆژا پێنچشەمبی رێکەفتی 2021/9/9  “د.عەلی تەتەر” پارێزگارێ دهۆکێ دگەل هژمارەکا بازرگانان ب بەرهەڤبوونا رێڤەبەرێ گۆمرکا ئیبراهیم خەلیل و سەرۆکێ ژۆرا بازرگانی و پیشەسازی یا دهوکێ کۆمبوو.
دکۆمبوونێدا سەرۆکێ ژۆرا بازرگانی و پیشەسازی یا دهۆکێ سۆپاسیا پارێزگارێ دهۆکێ کر کو چەندین چارە بو چارەکرنا ئاریشێن بازرگانان و ئاسانکاریی بو پرۆسا بازرگانیێ بو هندێ گرانی و قورخکاریی پەیدا نەبیت دگەل واندا کۆم دبیت.
پارێزگارێ دهۆکێ دکۆمبوونێدا دیارکر ئەڤە چەندین جارا دگەل هەوە و لایەنێن پەیوەندیدار کۆمبووین بۆ رێکخستنا پرۆسا بازرگانی و بەشەکێ داخوازیێن هەوە ل دویڤ یاسایێ ئاسانکاری هاتینەکرن و چارەسەرکرن، هیڤیدارین هوین ژی بازرگانیەکا راست و دروست ئەنجام بدەن و دخزمەتا بەرژەوەندیا گشتی و هاولاتیان دابیت.
پاشان ب تێروتەسەلی بازرگانێن بەرهەڤبووی کێشە و تێبینین خۆ گەهاندنە پارێزگارێ دهۆکێ و ئەو بابەتێن نەهاتینە چارەکرن دکۆمبوونێدا  پارێزگارێ دهۆکێ لایەنێن پەیوەندیدار راسپاردن بۆ چارەکرنا ئاریشێن بازرگانان و بازرگانیێ.