فرۆکە جەنگییەکانی تورکیا باره‌گایه‌کی په‌که‌که‌یان له‌ قه‌ندیل بۆردومان کرد

به‌ره‌به‌یانی ئەمڕۆ چوارشه‌م، فڕۆکە جەنگییەکانی تورکیا گوندی سەرگنڵ لە سنووری ناحیەی سەنگەسەر لە دەڤەری پشدەریان بۆردومان کرد.

سەرچاوەیەک لە قەندیل بە کوردستان تیڤی پێ ڕاگەیاند: فرۆکە جەنگییەکانی توركیا بارەگایەکی پەکەکەیان لە گوندەكه‌مان بۆردومان کردووه‌ و تا ئێستاش نەزانراوە چەند گەریلا كوژراون‌، بەڵام دەگوترێت ئەو بەرپرسەی پەکەکە كه‌ له‌ باره‌گاكه‌دا بووه‌، ڕزگاری بووە.

سه‌رچاوه‌كه‌ ڕاشیگه‌یاند: له‌ ئه‌نجامی بۆردومانه‌كه‌دا گوندنشینێکی سەرگنڵ بە ناوی (ئاوات خدر حاجی ئاڵا) بریندار بووە و رەوانەی نەخۆشخانە کراوە.
جه‌ختیشی كرده‌وه‌، به‌هۆی بۆردومانه‌كه‌ زیانی مادی زۆر بەر دەرگا و پەنجەره‌ی خانووه‌كانی گونده‌كه‌ کەوتووە و دانیشتووانەکەشی  ترس و دڵەڕاوکێ زۆریان هەیە و بەردەوام ژیانیان لە مەترسیدایە.