بو دووڤ چونا ره‌وشا بریندارێن رۆدانا تیرورستى ئه‌وا شڤێدى ل كه‌مپا قادیا هاتیه ئه‌نجامدان ئه‌ڤرو ئێڤارى 31/8/ 2021 ب نوونه‌راتیا سه‌روكێ حكومه‌تا هه‌رێما كوردستانێ مسرور بارزانى د.على ته‌ته‌ر پارێزگارێ دهوكێ ب یاروه‌ریا ئه‌فراسیاب موسى رێڤه‌به‌رێ گشتى یێ ساخله‌میێ ل پارێزگه‌هێ ومه‌نال محمد فواد رێڤه‌به‌را كوچ وكوچبه‌را وبه‌رسڤدانا قه‌یرانا سه‌را نه‌خوشخانا ته‌نگاڤیا ل دهۆكێ دا وژنێزیك سه‌حكره ره‌وشا زاوركێ بریندار(بێوار) ى كو شڤێدى ژئه‌نجامێ رۆدانا كه‌مپا قادیا برینداربویه .
پارێزگارێ دهۆكێ سلاڤێن مسرور بارزانى سه‌روكێ حكومه‌تا هه‌رێما كوردستانێ گه‌هاندنه كه‌س وكارێن بێوارى وبه‌رهه‌ڤیا خو نیشان دا بو هه‌ر هاریكاریه‌كێ بو وێ یه‌كێ چاره‌سه‌ریه‌كا باش بو ناڤبرى بهێته كرن وداخازا سلامه‌تیێ بو كر. پاش پارێزگارێ دهۆكێ ودگه‌لدا خه‌لیل محمود ده‌ڤه‌ردارێ سێمێلێ ورێڤه‌به‌را كوچ وكوچبه‌را وبه‌رسڤدانا قه‌یرانا سه‌را ماڵا شێخ حسن ل كه‌مپا قادیا دا كو ئێك ژبریندارێن رۆدانێ بویه هه‌روه‌سا دوو نه‌ڤیێن وى یێن زاروك ژى ژئه‌نجامێ په‌قینێ شه‌هید بوینه . پاش سه‌را مالباتا (بێوار) بریندار دا .
دڤان سه‌ره‌داناندا پارێزگارێ دهۆكێ سلاڤ وسه‌ره‌خوشیێن سه‌روكێ حكومه‌تا هه‌رێما كوردستانێ گه‌هاندنه شێخ حسن ومالباتێن بریندارا وگوت: ئه‌م شریكێن خه‌ما هه‌وه‌ینه وئه‌م ڤى كارێ هوڤانه روره‌ش و شه‌رمزاردكه‌ین وئه‌ڤ كریارێن تیرورستى نه‌شێن مه ژرێباز كوردایه‌تى دوربكه‌ن.
هه‌روه‌سا گوت: هه‌موو زه‌ره‌رمه‌ند دێ هێنه قه‌ره‌بوكرن وچاره‌سه‌ریا بریندارا ژى دێ هێته كرن وساخ وسلامه‌تى بو هه‌موویان خواست. شڤێدى وژئه‌نجامێ په‌قینا بومبه‌كا (تى ئێن تى كرى) لبن كابینا ماڵا هاولاتى شێخ حسن ل كه‌مپا قادیا كو ئه‌فسه‌ره‌كێ ئێمناهیێ بوو دوو نه‌ڤیێن ناڤبرى شه‌هیدبون وئه‌و بخو ژى دگه‌ل چار زاروكێن دن برینداربویه وره‌وشا هه‌موو بریندارا یا باشه .
کۆمێنت (0)
تا ئێستا هیچ کۆمێنتێک نەکراوە.