لەسەر رۆشنایی کۆبونەوەی بەرواری 2021/8/22 لەدیوانی سەرۆکایەتی ئەنجومەنی وەزیران ،بەمەبەستی بەدواداچوونی کێشەی گران بوونی نرخی نان و گرانبوونی نرخی ئارد ئەمڕۆ 2021/8/24 بەئامادەبوونی هەردوو وەزیری و بریکارانی وەزارەتی کشتوکاڵ و سەرچاوەکانی ئاو و وەزارەتی بازرگانی و پیشەسازی و سەرۆکی فەرمانگەی هەماهەنگی و بەدواداچون و بەڕێوەبەری گشتی بازرگانی و بەڕێوەبەری گشتی توێژینەوە و رێنمایی کشتوکاڵی و راوێژکاری وەزارەت، کۆبونەوەیەکی گرنگ بەڕێوەچوو.
بەمەبەستی هەماهەنگی و هاوبەشی بۆ بەدواداچوونی ئەو کێشانەی کە پەیوەندی بەهەریەک لەو وەزارەتانە هەیە تایبەت بە پلانی هەر یەک لە وەزارەتی بازرگانی و وەزارەتی کشتوکاڵ و سەرچاوەکانی ئاو، بەپێی تایەتمەندی لەسەر بابەتی گرانبوونی نرخی نان و ئارد، لەم کۆبونەوەیەدا بیروڕا ئاڵوگۆڕ کرا و گفتوگۆ کرا و داتاکان ئامادە کرا و دیراسەی گران بوونی نرخەکانی نان و سەمون کرا لە نانەواخانەکان، وا بڕیارە کە کۆبونەوەیەک لە ڕۆژی پێنج شەمەی داهاتوو ئەنجام بدرێت ،تایبەت بە بەدواداچوون و چارەسەری گیروگرفتە هاوبەشەکان .
وەزارەتی کشتوکاڵ و سەرچاوەکانی ئاو لە ڕێگەی تیمێکی باڵای تایبەتمەند رۆڵێکی باڵا و هەماهەنگی دەبێت لە ئامادەکردنی راپۆرتێکی واقیعیانە دەربارەی چاندنی گەنم و پێویستی بنەتۆ و پلانی ساڵی نوێ بۆ داچاندنی گەنم لەگەڵ بەرهەمی گەنمی هەرێمی کوردستان، بەپێی ئەو گرێبەستەی کە وەزارەتی کشتوکاڵ و سەرچاوەکانی ئاو لە گەڵ هەردوو کۆمپانیای کەرتی تایبەت ئەنجامی داوە.
لەم کۆبونەوەیەدا بڕیاردرا لە داهاتوودا بابەتە گرنگ و پەیوەندی دارەکان پێکەوە لە ئەنجومەنی وەزیران باس بکرێت و گفتوگۆی لەبارەیەوە بکرێت بۆ چارەسەری خێرا بۆ گرفتی بەرزبونەوەی نرخی ئارد و بەرزبونەوەی نرخی نان لە هەرێمی کوردستان بکرێت.
راگەیاندنی وەزارەتی کشتوکاڵ و سەرچاوەکانی ئاو
کۆمێنت (0)
تا ئێستا هیچ کۆمێنتێک نەکراوە.