فڕۆکەیەکی ئۆکراینی له‌لایه‌ن که‌سانی نه‌ناسراوه‌ لە کابووله‌وه‌ به‌ره‌و ئێران رفێندڕا

ئەمڕۆ سێشەممە 24-8-2021، وەزارەتی دەرەوەی ئۆکراینا رایگەیاند،  له‌لایه‌ن کەسانێکی نەناسراو فڕۆکەیەکی ئۆکرانییان لە کابوولی پایتەختی ئەفغانستانەوە بەرەو ئێران رفێندڕاوه‌، لە کاتێکدا ئەو فڕۆکەیە چووەتە کابوول بۆ گواستنەوەی هاووڵاییە ئۆکراینییەکان.
یەڤگینی بینین، جێگری وەزیری دەرەوەی ئۆکراینا گوتی: رۆژی یەکشەممە دەست گیرا بەسەر بە فڕۆکەکەمان، ئەمڕۆ بەرەو ئێران بردیان و کۆمەڵێک نەناسراوی لەنێودایە لەجیاتی راگواستنەوەی ئۆکراینییەکان.
بینین  راشیده‌گه‌ێنێت، "هەرسێ هەوڵەکەمان بۆ راگواستنەوەی ئۆکراینییەکان لە ئەفغانستان شکستی هێنا، چونکە سەرنشینەکانمان نەیانتوانی بگەنە فڕۆکەخانە.