ئێوارەی دوێنێ دووشەممە لەلایەن هێزەكانی پێشمەرگەی كوردستانەوە چەندین بۆمبی چێندراوی چەكدارانی پەكەكە پووچەڵ كرانەوە، كە لەسەر ڕێگەی نێوان ئامێدی و دێرەلووك داندرابوونەوە.
سەرچاوەیەك لە هێزەكانی پێشمەرگەی زێرەڤانی رایگه‌یاند: ئێواره‌ی دوێنێ دەست بەسەر 30 كیلۆ تى ئێن تیدا گیراوە، كە لەلایەن چەكدارانی پەكەكەوە لە شێوەی بۆمبی چێندراو لەسەر ڕێگەی سەرەكیی نێوان ئامێدی و دێرەلووك، لە بەرانبەر گوندی سەرگەلی داندرابوونەوە.
راشیده‌گه‌یه‌نن: هەر كە هێزەكانی زێرەڤانی بە هەوڵەكەی چەكدارانی پەكەكەیان زانیوە، خۆیان گەیاندووەتە شوێنەكە و بۆمبەكانیان پووچەڵ كردووەتەوە.
سه‌رچاوه‌كه‌ی پێشمه‌رگه ده‌شڵێت، مینە چێندراوەكان لە دوو شوێن داندرابوونەوە و بریتی بوون لە 30 كیلۆ تی ئێن تی.
سەرچاوەكە ئەوەشی دووپات كردەوە كە بوونی هێزەكانی پەكەكە لەو سنوورە، مەترسییەكی بەردەوامە، چونكە پێشتریش ڕەفتاری لەم جۆرەیان كردووە و بۆمبی دیكەیان داناوەتەوە و مەترسیی راستەوخۆیان لەسەر گیانی هاووڵاتییان دروست كردووە.
هێزەکانی پێشمەرگە چەندین مینی چێندراوی چەکدارانی پەکەکەیان پووچەڵ کردەوە
100%
کۆمێنت (0)
تا ئێستا هیچ کۆمێنتێک نەکراوە.