ئەڤرو سپێدێ ل دهۆکێ دوو خوشکان بناڤێ ئەمیرا عه‌بدولـڵا و سەمیرا عه‌بدولـڵا كو ئاکنجیێن قەزا سێمێلێ نە و تەمەنێ وان د ناڤبەر ٤٠ بو ٤٥ سالیێ دایە دناڤا نەخوشخانەیەکا تایبەت ب چارەسەرکرنا نەخوشێن هەلگرێن ڤایروسا کورونایێ ل دهۆکێ گیانێ خوە ژ دەست دا.
د.شهرام عه‌زیز نوژدارێ چارەسەرکرنا نەخوشان ل ڤێ نەخوشخانێ تایبەت بۆ کوردستان تیڤی راگەهاند کو سێ روژ بو ڤان دوو خوشکان چارەسەری د ناڤا نەخوشخانێ دا وەردگرت لێ سپێدەهیا ئەڤرو رەوشا وان تێک چو هەردوکان گیانێ خوە ژ دەست دا ناڤهاتی دیارکر ژی کو ب تنێ شڤێدی دەمژمێر ١٢ شەڤێ تا ئەڤرو دەمژمێر شەشێ ئێڤاری ١٠نەخوشان ل دهۆکێ ژ ئەگەرێ ڤایروسا کۆرۆنایێ گیانێ خوە ژ دەست دایە.
ل دهۆکێ دناڤا سێ نەخوشخانێن کۆرۆنایێ دا دنوکەدا نێزیکی ١٥٠ نەخوشان چارەسەریێ وەردگرن ژ وان ژی رەوشا ٣٥ نەخوشان نەیاباشە.
پ/ جیهان ڕه‌سول
کۆمێنت (0)
تا ئێستا هیچ کۆمێنتێک نەکراوە.