وه‌زیری ته‌ندروستیی توركیا، فه‌خره‌ددین كۆجا ئاشكرای كرد له كاستامۆنو 32 كه‌س و له سینۆپ شه‌ش كه‌س به‌هۆی لافاوه‌وه گیانیان له‌ده‌ستداوه.
له په‌یامێكدا كه له هه‌ژماری خۆی له تۆڕی كۆمه‌ڵایه‌تی تویته‌ر بڵاوی كردووه‌ته‌وه، فه‌خره‌ددین كۆجا زانیاریی له باره‌ی دۆخی هەردوو پارێزگائ كاستامۆنو و سینۆپ دوای ئه‌وی كه‌وتنه ژێر كاریگه‌ریی لافاوه‌وه، بڵاو كرده‌وه.
كۆجا باسی له‌وه‌كردووه، له كاستامۆنو 32 كه‌س له ئه‌نجامی لافاوه‌كاندا گیانیان له‌ده‌ستداوه، 228 كه‌س ته‌نروستییان تێكچووه و 12یان له نه‌خۆشخانه له ژێر چاره‌سه‌ری پزیشكییدان.
وه‌زیری ته‌ندروستیی توركیا ئاشكراشی كردووه، له سینۆپ شه‌ش كه‌س به‌هۆی لافاوه‌كه‌وه گیانیان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.