ئه‌مڕۆ پێنجشه‌مه 29 ى 7 ى 2021 ، میدیاكانی ناوخۆی عێراق بڵاویان كرده‌وه: كاتژمێر 2:45 ى خوله‌كی به‌ره‌به‌یانی ئه‌مڕۆ هێلیکۆپتەرێکی سوپای عێراق لەنزیك قەزای دووزخورماتوو له پارێزگای سەڵاحەددین كەوتۆتە خوارەوەو بەهۆیەوە تیمی فڕۆكەكە كە پێنج كەس بوونە گیانیان لەدەستداوە.
هۆكاری كه‌وتنی هێلیکۆپتەره‌كه تا ئێستاكه رانه‌گه‌یه‌ندراوه ، دوای رووداوه‌كه‌ش هێزێكی سه‌ربازی چوونه‌ته شوێنی رووداوه‌كه.
ئه‌و كه‌سانه‌ی له رووداوه‌كه گیانیان له‌ده‌ستداوه ناوه‌كانیان بریتین له: عەقیدی فڕۆکەوان ئوسامە تارق عه‌بد، رائیدی فڕۆکەوان عەلی فازڵ غه‌زبان، جێگری ئەفسەر لوئه‌ی حاتەم فەرحان، جێگری ئەفسەر ئەسیر فائیز ئیبراهیم ، جێگری ئەفسەر وەسام عەلی سەفیح.
لە راگەیەندراوێكیشدا، شانەی راگەیاندنی ئەمنی عێراق بڵاویكرده‌وه: ھێلیکۆپتەرەکە لە جۆری Mi-17 یە و بۆ ئەرکێکی ئەمنی ھاتووەتە ناوچەکە.
وه‌رگێڕان و داڕشتنه‌وه‌ی هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.