وەزارەتی تەندروستیی هەرێمی كوردستان رایگەیاند : زیادبوونی ئامارەکانی کۆرۆنا ترسناکە و ئەو وەزارەتە هۆشداری دەدات لە ڕوودانی کارەسات.
د. ئاسۆ حەوێزی، گوتەبێژی وەزارەتی تەندروستی لە پەیامێکدا بڵاویکردووەتەوە: بەداخەوە رێژەی توشبوون بە كۆرۆنا سێ هێندە زیادی كردووە لەم دواییە بە بەراورد لەگەڵ چەند هەفتەیەك بەر لە ئێستا، ئامارەكان ترسناكە و پێشبینی هەزاران توشبووی رۆژانە دەكرێ لە داهاتوو، ئەوەی كە بەدی دەكرێ سستبوونێكی تەواوە بە پابەندبوون بە رێكارەكانی خۆپارێزی لە هەموو شوێنەكان، ئەگەر بەریەككەوتن كەم نەكەینەوە ئەوا كارەسات بەڕێوەیە.
گوتەبێژی وەزارەتی تەندروستی راشیده‌گه‌ێنێت: ئێمەش بەدەرنین لە وڵاتانی دەووربەر كە چۆن بەهۆی دۆخی كۆڕۆناوە دەناڵێنن.
ده‌شڵێت، ئەنجوومەنی وەزارەتی تەندروستی كۆبوونەوەی ئەنجامداوە و پێشنیارەكانی داوەتە لایەنی پەیوەندیدار سەبارەت بەم دۆخە و گرنگترین رێكارەكان كە پێویستە بگیرێنەبەر لە رۆژانی داهاتوو.
هەروەها د. ئاسۆ حەوێزی داوا لە هاووڵاتییان دەکات لە رۆژانی داهاتوو پابەندبن بە رێنوێنییەکان و ماسك ببەستن و قەرەباڵغی كەم بكەنەوە.
وەزارەتی تەندروستی هه‌رێمی کوردستان هۆشداری لە روودانی کارەسات دەدات
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.