له ئاكامی ئه‌و لافاوه‌ی به‌هۆی بارانبارینی به‌خوڕ ویلایه‌تەکانی راینلاند-پلاز و باكووری راین ڤێستفالنی رۆژئاوای ئه‌ڵمانیای گرتووه‌ته‌وه، 156 كه‌س گیانیان له‌ده‌ستداوه.
به‌ڕێوه‌به‌رایه‌تیی پۆلیسی ناوچەی كۆبلێنز رایگه‌یاند کە ژماره‌ی ئه‌وکەسانه‌ی به‌هۆی لافاوه‌وه له ناوچه‌ی ئاهروه‌یله‌ر سەربە ویلایه‌تی راینلاند-پلاز گیانیان له‌ده‌ستداوه كه لافاوه‌كه به‌توندترین شێوه كاریگه‌ری كردووه‌ته سه‌ر، گه‌یشتووه‌ته 110 كه‌س.
له راگه‌یه‌ندراوه‌كه‌دا، هەروەها ئاماژه به‌وه دراوه كه 670 كه‌سیش برینداربوون و مه‌ترسیی ئه‌وه‌یش خراوه‌ته روو كه له‌وانه‌یه ژماره‌ی قوربانییان زیاد بكه‌ن.
هەروەها به‌هۆی لافاوه‌وه له ویلایەتی باكووری راین ڤێستفالن-یش، 45 كه‌س گیانیان له‌ده‌ستداوه.
به‌م جۆره ژماره‌ی قوربانییانی لافاوه‌كان له ئه‌ڵمانیا گه‌یشتووه‌ته 156 كه‌س.
کۆمێنت (0)
تا ئێستا هیچ کۆمێنتێک نەکراوە.