جێگرێ سەروک وەزیرێن هەرێما بادێن - ڤۆرتێمبێرگ پێشوازیی ل پارێزگارێ دهۆکێ کر

 رۆژا پێنچشەمبی ٢٠٢١/٧/١٥ دبەردەوامیا سەرەدانا خۆ بۆ کۆمارا ئەلمانیا فیدرالی  دکتور “عەلی تەتەر” پارێزگارێ دهۆکێ ل شتوتگارتێ ژلایێ بەرێز “فلۆریان هاسلەر” Florian Hassler جێگرێ سەرۆک وەزیرێن هەرێما بادێن - ڤۆرتێمبێرگ و وەزیرێ ئێکێ هاتە پێشوازیکرن. 
درۆنشتنەکێدا پشتی بخێرهاتن و سۆپاسیێ باس ل رەوشا دەڤەرێ و دۆماهی پێشڤەچوونان دبیاڤێن جۆدا داکر و ل دۆر دەستە خۆشکیا پارێزگەها دهۆکێ و پارێزگەها شتوتگارت پایتەختێ هەرێما بادێن - ڤۆرتمبێرگ، بەرێز هاسلەر دۆپاتکر دحکۆمەتا نوو یا کۆمارا ئەلمانیا فیدرال دا ئەڤ دەستە خۆشکیە دێ یا بەردەوام بیت و وان ئۆفیسەک بناڤێ کارۆبارێن دگەل پارێزگەها دهۆکێ دامەزراندیە. 
پارێزگارێ دهۆکێ سۆپاسیا بەرێز هاسلەر و پەرلەمان و حکۆمەتا هەرێما بادێن - ڤورتمبێرگێ بۆ هەماهەنگی و هەڤکاریا بەردەوام و خۆشحالیا خۆ ب بەردەوامیا دەستە خۆشکیا دگەل پارێزگەها دهۆکێ دحکۆمەتا نوو دا دۆپاتکر و لۆگویێ رێزلێنانێ یێ پارێزگەها دهۆکێ پێشکێشی ناڤبری کر.