دوێنێ نرخی بەرمیلێک نەوتی خاوی برێنت گەیشتە 75 دۆلار و 50 سەنت و رۆژەکەی بە 75 دۆلار و 16 سەنت تەواو کرد.
کاتژمێر 09:19ی بەیانی ئەمڕۆ نرخەکان بە رێژەی سەدا 0،37 هەڵکشانیان بەخۆوەبینی و بەرمیلێک نەوت بە 75 دۆلار و 44 سەنت فڕۆشرایە کڕیاران.
لە هەمان کاتدا بەرمیلێک نەوتی رۆژئاوای تەکساس بە 74 دۆلار و 41 سەنت مامەڵەی پێوەکرا.
خێرا بەڕێوەچوونی هەڵمەتەکانی کوتان لە جیهاندا و کۆتاییهێنان بە سنووردار کردنەکان وای کردوە خواست لەسەر نەوت زیاد بکات و ئەمەش بەشێوەیەکی ئەرێنی کاریگەری لەسەر نرخی نەوت دروست کردوە.
لە لایەکی دیکەشەوە نیگەرانییەکان لە جۆری دەلتای ڤایرۆسی کۆرۆنا کە خێراتر بڵاودەبێتەوە، وای کردوە خواست لەسەر نەوت لە مەترسیدابێت و رێگربێت لە بەرزبوونەوەی زیاتری نرخی نەوت.
تا ئێستاش سیاسەتی رێکخراوی وڵاتانی هەناردەکاری نەوت (ئۆپیک) و وڵاتانی دەرەوەی رێکخراوەکە (ئۆپیک +) بۆ بەرهەمهێنانی نەوت لە مانگی ئابدا نازاندرێت و ئەمەش کاریگەری نەرێنی لەسەر نرخی نەوت دروست کردوە .
کۆمێنت (0)
تا ئێستا هیچ کۆمێنتێک نەکراوە.