وشکه‌ساڵی له‌ شاری وان زیاتر ده‌بێت

به‌ هۆی وشكه‌ساڵییه‌وه‌ به‌شێكی ڤۆری گۆله‌ گچكه‌كانی ده‌ورووبه‌ری ده‌ریاچه‌ی شاری وان له‌ باكووری كوردستان رووبه‌رووی وشك بوون بوونه‌ته‌وه‌.
به‌ گوێره‌ی میدیای توركیا، دوای وشك بوونی گۆلی ئاق گۆل له‌ ناوچه‌ی ئۆزاڵپ، ئه‌م جاره‌یش تۆز گۆلوو له‌ ناوچه‌ی سه‌رای وشك بووه‌.
شاره‌زایانیش باس له‌وه‌ ده‌كه‌ن كه‌ ئه‌گه‌ر لایه‌نی په‌یوه‌ندیدار به‌په‌له‌ رێوه‌شوێنی پێویست نه‌گرنه‌ به‌ر ئه‌وا هه‌موو گۆله‌كانی ده‌ورووبه‌ری ده‌ریاچه‌ی وان وشك ده‌بن.
شاره‌زایان هه‌روه‌ها باس له‌وه‌ ده‌كه‌ن كه‌ ئه‌گه‌ر دۆخه‌كه‌ به‌جۆره‌ بێت ئه‌وا له‌ داهاتوویه‌كی زۆر نزیكدا ئاوی نێو ده‌ریاچه‌ی وانیش به‌ رێژه‌یه‌كی چاوه‌ڕوان نه‌كراو كه‌م ده‌كاته‌وه‌.
ئه‌رده‌لان گۆران