ئه‌مڕۆ هه‌ینی نرخی یه‌ک به‌رمیل نه‌وتی خاو به‌ 74 دۆلار و 35 سه‌نته‌

ئەمڕۆ هەینی 9 -7-2021 ماڵپەڕی ئۆیڵ پرایز بڵاویکردەوە، لە ئێستادا یەک بەرمیل نەوتی خاوی برێنت بە 74 دۆلار و 35 سەنت مامه‌ڵه‌ی پێوه‌كراوه‌.
ماڵپه‌ره‌كه‌ ئاماژه‌ بۆ ئه‌وه‌شده‌كات: بەرمیلێک نەوتی خاوی ئەمەریکیش تەکساس بە 73 دۆلار و 24 سەنت مامەڵەی پێوەکراوە.
لەدوای بڵاوبوونەوەی کۆرۆنا و وەستانی چالاکیە ئابوری و بازرگانی و پیشەسازیەکان لە ساڵی 2020دا نرخی نەوت بۆ نزمترین ئاستی لە مێژوودا دابەزیبوو كه‌ بە کەمتر لە 20 دۆلار مامەڵەی پێوەکرا، بەڵام ئەو رێوشوێنانەی لەسەر ئاستی جیهان بۆ روبەروبونەوەی کۆرۆنا گیراوەتەبەر، بەتایبەت بەدەستخستنی ڤاکسینی کۆرۆنا و سیاسەتی وڵاتانی ئۆپیک پڵەس و پابەندبون بە کەمکردنەوەی ئاستی هەناردەکردن و دوبارە دەستکردنەوە بە پیشەسازی، هۆکاری بەرزبونەوەی نرخی نەوتن لە جیهاندا.