پارێزگاری هەولێر، پڕۆژەی چاککردن و قیرتاوکردنى ڕێگای( میراوە - ماوەران- تاوه‌کو شێره‌سوار)ی به‌سه‌رکرده‌وه‌

پارێزگاری هەولێر، پڕۆژەی چاککردن و قیرتاوكردنى ڕێگای( میراوە - ماوەران بەرە و تونێلی تەواو نەکراوی شەقڵاوە تاوه‌كو شێره‌سوار)ی به‌سه‌ركرده‌وه‌.

دوای نیوه‌ڕۆی ئەمڕۆ چوارشەمە 2021.6.30، ئومێد خۆشناو، پارێزگاری هەولێر، بەیاوەری مەسعود کاڕەش، جێگری پارێزگار، پڕۆژەی چاککردن و قیرتاوكردنى ڕێگای( میراوە - ماوەران بەرە و تونێلی تەواو نەکراوی شەقڵاوە تاوه‌كو شێره‌سوار)ی به‌سه‌ركرده‌وه‌.

چاککردن و قیرتاوكردنى ئەم ڕێگایە كه‌ ڕێگایه‌كى گرنگ و بازرگانی و گەشتیارییە و بەشێکی گرنگی ڕێگای هاملتۆنە، خزمه‌تێكى زۆر پێشكه‌ش به‌ هاوڵاتییان و سەلامەتی شوفێران ده‌كات و ده‌بێته‌ هۆى كه‌مكردنه‌وه‌ى قەرەباڵغیەکی زۆر لەناو شەقڵاوە و ڕێگاکانی به‌تایبه‌تى له‌ ڕۆژانی پشوو و بۆنه‌كان كه‌ زۆربه‌ى جار به‌داخه‌وه‌ ڕووداوی نه‌خوازراوی لێده‌كه‌وته‌وه‌.