دچارچوڤێ وان گوهورینێن به‌رده‌وام یێن دناڤ دام وده‌زگه‌هێن میریدا دهێنه ئه‌نجامدان ئه‌ڤرو سپێدێ 29/6/2021 ب ئاماده‌بونا ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى ب وه‌كاله‌ت وچه‌ند رێڤه‌به‌ر وبه‌رپرس وكارمه‌ندێن رێڤه‌به‌ریا گشتى یا رێك وپرا رێ ورسمێن ده‌ستبكاربوونا ئه‌ندازیا شێرزدا قادر محمود وه‌كو رێڤه‌به‌رێ نوو یێ رێڤه‌به‌ریا رێك وپرا وئاڤه‌ندكرن وئاكنجیكرنێ ل پارێزگه‌ها دهۆكێ هاتنه گێران .
جێگرێ پارێزگارێ دهۆكێ بو كاروبارێن ته‌كنیكى دپه‌یڤه‌كێدا سلاڤ ورێزێن پارێزگارێ دهۆكێ گه‌هاندنه رێڤه‌به‌رێ گشتى یێ نوو یێ رێك وپرا وداخازا سه‌ركه‌فتنێ بو كر.
هه‌روه‌سا گوت:گوهورین پروسه‌كا سروشتى وبه‌رده‌وام وئاسایه دناڤ دام وده‌زگه‌هێن حكومه‌تا هه‌رێمێدا دهێته ئه‌نجامدان وئارمانج ژێ ئه‌وه ئاستێ كارى وخزمه‌تكرنێ بهێته پێشئێخستن وهیڤى خاستن كو رێڤه‌به‌رێ نوو ل ئاستێ وێ به‌رپرسیاریێ بیت یا پێ هاتیه راسپاردن وبشێت بره‌نگه‌كێ باشتر خزمه‌تا سه‌كته‌رێ رێك وپرا وئاڤه‌دانكرن وئاكنجیكرنێ بكه‌ت وپشته‌ڤانیا پارێزگه‌هێ نیشالندا بو هه‌ر هاریكاریه‌كێ.
ژلایێ خوڤه ئه‌ندازیا شێرزدا قادر محمود رێڤه‌به‌رێ گشتى یێ رێك وپرا سوزدا كو ب هاریكاریا كارمه‌ندێن رێڤه‌به‌ریێ دێ ل جهێ وێ باوه‌ریێ بیت یا پێ هاتیه راسپاردن وخزمه‌تا خه‌لكێ پارێزگه‌هێ كه‌ت.
هه‌ژى گوتنێ یه نوكه رێڤه‌به‌ریا گشتى یا رێك وپرا وئاڤه‌دانكرن وئاكنجیكرنێ سه‌رپه‌رشتیا بجئینانا پترژ هه‌شتێ پرۆژێن خزمه‌تكارى یێن جورا وجورو وستراتیجى ل سنورێ پارێزگه‌هێ دكه‌ت .
رێڤه‌به‌رێ گشتى یێ نوو یێ رێک وپرا وئاڤه‌دانکرن وئاکنجیکرنێ ل پارێزگه‌هێ دهۆکێ ده‌ست ب کاربوو
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.