دواى بڵاوبوونەوەى گرتەیەکى ڤیدیۆى وەزیرى تەندروستى بەریتانیا کە یاریدەدەرەکەى لەباوەشدەگرێت و ماچى دەکات، بەفەرمى دەستیلەکارکێشایەوە.
ئێوارەی ئەمڕۆ لەژێر فشاری ئەندامانی پەرلەمان و ئەندامانی پارتی کۆنەپارێز کە پارتەکەی خۆیەتی، مات هانۆک وەزیری تەندروستی بریتانیا دەستی لەکار کێشایەوە.
لە پەیامێکى ڤیدیۆیدا کە لە هەژمارى خۆى لە تویتەر بڵاوى کردەوە، مات هانکۆک، وەزیری تەندروستی بەریتانیا، دەستلەکارکێشانەوەى خۆى لە پۆستى وەزیرى تەندروستى بەریتانیا راگەیاند.
وەزیری تەندروستی بەریتانیا ستایشی ستاف و کارمەندانی کەرتی تەندروستی و هەموو ئەوانەی کرد کە رۆڵیان گێڕاوە لە بەرەنگاربوونەوەی کۆرۆنا، رایگه‌یاند: زۆر شانازی بە خزمەتگوزاریی تەندروستی نیشتمانی دەکەم کە ڤاکسینی کۆرۆنایان بەسەر خەڵكدا دابەشکردووە کە یەکێک بووە لە خێراترین (پرۆسەکان) لە جیهاندا.
هاوكات ده‌ستله‌كاركێشانه‌وه‌ی مات هانکۆک دوای بڵاوبوونەوەی وێنەیەکی ڤیدیۆیی لەلایەن رۆژنامەی (زە سەن) کە تێیدا دەردەکەوێت وەزیری تەندروستی بریتانیا لەناو ئۆفیسی خۆی بەشێوەیەکی رۆمانسییانە گینا کۆلاندانگیلۆ ماچدەکات و رێككه‌وتی وێنەکەش بۆ 6ی ئایار دەگەڕێتەوە.
کۆمێنت (0)
تا ئێستا هیچ کۆمێنتێک نەکراوە.