خشته‌ی یارییه‌کانی قۆناغی شازده‌ی جامی نه‌ته‌وه‌کانی ئه‌وروپا

بە تەواوبوونی سەرجەم یاریەكانی قۆناغی یەكەمی جامی نەتەوەكانی ئەوروپا، ناوی تەواوی ئەو هەڵبژاردانە ئاشكرابوو كە بە پلەكانی یەكەم و دووەم و باشترین چوار هەڵبژاردەی خاوەن پلەكانی سێیەمی گڕوپەكان گەیشتنە قۆناغی شازدە.
 خشتەی یاریەكانی ئەم قۆناغەش بەم شێوەیە دەبێت، هەڵبژاردەی وێڵز ڕووبەڕووی هەڵبژاردەی دانیمارك دەبێتەوەو هەڵبژاردەی ئیتاڵیاش یاری لەگەڵ هەڵبژاردەی نەمسا دەكات.
 هەروەها هەڵبژاردەی هۆڵەندا لەبەرامبەر هەڵبژاردەی چیك یاری دەكات و هەردوو هەڵبژاردەی بەلجیكاو پۆرتوگال ڕووبەڕووی یەكتر دەبنەوە.
 لای خۆشیەوە هەڵبژاردەی كڕواتیا لەبەرامبەر هەڵبژاردەی ئیسپانیا یاری دەكات و هەڵبژاردەی فەڕەنسای پاڵەوانی جیهان ڕووبەڕووی هەڵبژاردەی سویسرا دەبێتەوە.
 لە یاری لوتكەی قۆناغی شازدەدا، هەردوو هەڵبژاردەی ئینگلتەراو ئەڵمانیا لە یاریگای وێمبلی لە لەندەن بەیەك دەگەن و هەڵبژاردەی سویدیش یاری لەگەڵ هەڵبژاردەی ئۆكراینا دەكات.
 لە ڕۆژانی شەممەو یەكشەممەو دووشەممەو سێشەممەی داهاتوو ڕۆژانە دوو یاری لە قۆناغی شازدەی جامی یۆرۆ بەڕێوەدەچێت و لە ئەنجامدا، هەشت هەڵبژاردە دەگەنە قۆناغی چارەگی كۆتایی .