له درێژه‌ی ركابه‌رییه‌كانی گه‌ڕی دووه‌می قۆناغی یه‌كه‌می پاڵه‌وانێتی جامی نه‌ته‌وه‌كانی ئه‌وروپا بۆ تۆپی پێ و له گڕوپی شه‌شه‌م و ئاگرینی پاڵه‌وانێتیه‌كه‌دا، هه‌ردوو هه‌ڵبژارده‌ی فه‌ڕه‌نسای پاڵه‌وانی جیهان و هه‌نگاریا له یاریگای پوشكاش ئارینا له بوداپێستی پایته‌ختی هه‌نگاریا به‌یه‌ك ڕووبه‌ڕووی یه‌كتر بوونه‌وه، له‌ئه‌نجامدا هه‌ردوو تیپ به گۆڵێك بۆ هه‌ریه‌كه‌یان یه‌كسان بوون.
له خوله‌كی دووه‌می زیادكراوی گێمی یه‌كه‌مدا، به‌رگریكاری هه‌نگاریا، ئه‌تیلا فیۆلا گۆڵێكی بۆ هه‌ڵبژارده‌ی وڵاته‌كه‌ی تۆماركردو گێمی یه‌كه‌م به‌م ئه‌نجامه به پێشكه‌وتنی تیپی میواندار ته‌واوبوو.
له گێمی دووه‌میش یاریزانانی فه‌ڕه‌نسا هه‌وڵی یه‌كسان كردنه‌وه‌ی ئه‌نجامی یاریانداو چه‌ندین هێرشیان كرده سه‌ر گۆڵی هه‌نگاریا، تا له خوله‌كی شه‌ست وشه‌شدا، ئه‌نتوان گریزمان ئه‌ستێره‌ی بارسێلۆنا گۆڵی به‌رامبه‌ری تیپی كه‌ڵه‌شێره‌كانی به‌ده‌ستهێناو ئه‌نجامه‌كه‌ی یه‌كسان كرده‌وه.
به‌م ئه‌نجامه‌ش كۆی خاڵه‌كانی فه‌ڕه‌نسا گه‌یشته چوار خاڵ و هه‌نگاریاش یه‌كه‌م خاڵی له پاڵه‌وانێتیه‌كه به‌ده‌ستهێنا .
له جامی نه‌ته‌وه‌کانی ئه‌وروپا فه‌ڕه‌نسا و هه‌نگاریا یه‌کسانبوون
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.