وەزارەتی ناوخۆی عێراق راگەیاند کە 12 تیرۆریستی داعش لە پارێزگای دیالە، دەستگیرکراون.
لە راگەیەنراوێکدا وەزارەتی ناوخۆی عێراق ئاماژەی بەوەداوە، ھێزەکانی ئاژانسی ھەواڵگریی لە زنجیرەیەک ئۆپەراسیۆندا، 12 تیرۆریستیان لە پارێزگای دیالە کە بەپێی ماددەی چواری تیرۆر بە تۆمەتی ئەندامبوون لە داعش داواکراوبوون، دەستگیرکردووە.
بەپێی رایگەیەنراوەکە تیرۆریستە دەستگیرکراوەکان لە بەناو سەربازگەکانی گشتی سەربە داعش، چەکداربوون و باس لەوەشکراوە کە تیرۆریستەکان لە میانی لێکۆڵینەوە لەگەڵیاندا، دانیان بەوەناوە کە بەشدارییان لە ئەنجامدانی چەندین کردەی تیرۆریستی دژبە ھێزە ئەمنییەکان و ھاووڵاتییان لە ناوچەکانی پارێزگای دیالە کردووە.
لە راگەیەنراوەکەدا ئەوەیش خراوەتەڕوو کە دەستگیرکراوەکان دوای وەرگرتنی گوتەکانیان، رێوشوێنی یاسایی لە بەرامبەریان گیراوەتەبەر.
کۆمێنت (0)
تا ئێستا هیچ کۆمێنتێک نەکراوە.