پارێزگارێ دهۆکێ دگەل نۆینەرێن بکرێن پرۆژێن یٔارام ستی و شا‌هـــ ستی کۆمبوو

ئەڤرۆ رۆژا چوارشەمبی رێکەفتی 2 - 6 - 2021 پشتی هژمارەکا نۆینەرێن بکرێن پرۆژێن ئارام ستی و شاهــ ستی خرڤەبوونەکا نەرازیبوونێ لبەر دەرگەهێ پارێزگەهێ ئەنجام دایی،  "د.عەلی تەتەر" پارێزگارێ دهۆکێ هاتە دناڤا خرڤەبویان دا و گۆهداریا گلە و گازندەیێن وان سەبارەت تمام نەبوونا هەردوو پرۆژان و چەوانیا قەرەبوکرنا وانکر پاشان داخواز ژ نۆینەرێن خرڤەبوویانکر ب بەرفرەهی دانوستاندنێ ل سەر ڤی بابەتی بکەن. 
دکۆمبوونێدا دگەل نۆینەرێن بکرێن هەردوو پرۆژان پارێزگارێ دهۆکێ دۆپاتکر کو بابەتێ وان یا پێدڤی هاتیە ئەنجامدان و دێ پرۆژێن وان هێنە تمامکرن و دچوارچووڤێ گرێبەستێن وان دگەل خۆدانێن پرۆژان دێ هێنە قەرەبوکرن و لدویڤ یاسا و رێنمایان ئەم ناهێلین ب هیچ رەنگەکی غەدر ل هەوە بهێتەکرن. 
نۆینەرێن بکرێن پرۆژان دۆپاتی ل چارەسەرکرنا ئاریشێن خۆکر و سۆپاسیا پارێزگارێ دهۆکێ کر کو ئەڤە جارا سیێ یە وان دبینیت و دادیارکرن ئەم چاڤەرێێ چارەکرنا بابەتی نە و دبەرامبەر پارێزگارێ دهۆکێ راگەهاند دەرگەهێ مە بو هەوە بو چارەکرنا ئاریشێن هەردوو پرۆژان یێ ڤەکریە و پشت راست بن بابەت گەهشتیە قوناغێن دوماهیێ.