دگەل هەولێن بەردەوامێن حکۆمەتا هەرێما کوردستانێ کو ئەڤە دەمێ چەند رۆژایە دبەردەوامن، “د.عەلی تەتەر” پارێزگارێ دهۆکێ دگەل کۆنسلگەریا گشتیا تۆرکیا و والیێ شەرنەخێ دیڤچوونا بابەتێ بڕینا داران ل سنۆرێ پارێزگەها دهۆکێ کر و پشتی دانوستاندنێ بریار هاتەدان هەماهەنگی دناڤبەرا هەردوولایان بۆ کۆنترولکرنا بابەتی بهێتەکرن.
هەر شڤێدی دپەیوەندییەکا تەلەفۆنیدا دەڤەردارێ زاخۆ هەماهەنگی دگەل دەڤەردارێ شەرنەخێ کر بو نەهێلانا بڕینا داران لسنۆرێ دەڤەرداریا زاخۆ و هەردوو دەڤەرداران دۆپاتی ل سەر وێ یەکێ کر کو ئەڤە زێدەگاڤیە و ناهێتە قەبیلکرن.
هەروەسا داخوازێ ژ هەمی هاولاتیان دکەین هەر دەڤەرەکا دار لێ دهێنەبڕین ئاگەهداریا دامودەزگەهێن حکۆمەتێ بکەن ب بەلگەڤە ژبو کو دیڤچوون بهێتەکرن و زێدەگاڤی نەهێتەکرن.
پارێزگارێ دهۆکێ دگەل والیێ شەرنەخێ دیڤچوونا بڕینا داران دکەت
100%
کۆمێنت (0)
تا ئێستا هیچ کۆمێنتێک نەکراوە.