بەڕێوەبەری ناحیەی خەلیفان رايگەیاند، دەزگای خێرخوازیی بارزانی، لە سنووری شارەدێی خەلیفان نەخۆشخانەیەکی فریاکەوتن بنیات دەنێت، کە بە تەواوبوونی، خزمەتێکی گرینگ لە کەرتی تەندروستی بە ھاووڵاتیان و نەخۆش دەگەیەنێت.
مەغدید مەعرووف، بەڕێوەبەری ناحیەی خەلیفان رایده‌گه‌ێنێت: خۆشبەختانە لەلایەن دەزگای خێرخوازیی بارزانییەوە پڕۆژەی نەخۆشخانەیەک لە سەنتەری ناحیەی خەلیفان جێبەجێ دەکرێت و بڕیار وایە لە ماوەیەکی نزیکدا تەواو بکرێت، ھەفتەی رابردووش وەزیری تەندروستی سەردانی ناوچەکەی کرد و ھەروەھا ھەموو پێداوستییەکانی پەیوەست بە بواری تەندروستی، بۆ نەخۆشخانەکە دابین دەکرێت.
ده‌شڵێت، چەند پڕۆژەیەکی تر لە بوارەکانی ئاو و کارەبا و ڕێگاوبان لە داھاتوودا کاریان لەسەر دەکرێت بۆ خزمەتکردنی ھاونیشتیمانیان.
کۆمێنت (0)
تا ئێستا هیچ کۆمێنتێک نەکراوە.