ئه‌ڤرو سپێدێ 30-5-2021 د.على ته‌ته‌ر پارێزگارێ دهۆكێ سه‌را رێڤه‌به‌ریا پولیسێن پارێزگه‌هێ دا ژلایێ عه‌مید فخرى احمد رێڤه‌به‌رێ پولیسێن پارێزگه‌هێ وپله‌دارێن رێڤه‌به‌ریێ پێشوازى لێ هاته كرن.
پاش پارێزگارێ دهۆكێ كۆمبوونه‌ك دگه‌ل رێڤه‌به‌ر وژماره‌كا ئه‌فسه‌رێن پشكێن رێڤه‌به‌ریێ ئه‌نجامدا.
دكۆمبوونێدا پارێزگارێ دهۆكێ دووباره پیروزباهى ل رێڤه‌به‌رێ نوو یێ پولیسان كر هه‌روه‌سا په‌سنا رولێ رێڤه‌به‌ریێ كر كو شیا ببیته یا ئێكه‌م ل سه‌ر ئاستێ عیراقێ وهه‌رێمێ دبیاڤێ بجهئینانا قانونێدا وگوت: ئه‌ڤه بو مه سه‌ربلندیه‌كا مه‌زنه رێڤه‌به‌ریا پولیسێن دهۆكێ ئه‌ڤ ناسناڤه هه‌بیت وته‌كه‌زكر كو سه‌روكێ حكومه‌تا هه‌رێمێ و پارێزگه‌ها دهۆكێ وهه‌موو سازیێن په‌یوه‌ندیدار دێ پشته‌ڤانیێ ل كار وئه‌ركێن رێڤه‌به‌ریا پولسێن دهۆكێ كه‌ین وخواست كو قانون ب دادى وبێ جیاوازى ل سه‌ر هه‌موو خه‌لكێ پارێزگه‌هێ بهێته چه‌سپاندن.
پارێزگارێ دهۆكێ ئه‌و یه‌ك ژى دیاركر كو هه‌ر جهه‌كێ قانون ودادى باشترلێ بهێته بجهئینان وسه‌ره‌ده‌ریه‌كا چاك دگه‌ل وه‌به‌رهێنه‌را وگه‌شتیار وسه‌رمایدار وبازرگان بهێته كرن مرۆڤ دێ پتر قه‌ستا وى وه‌لاتیكه‌ن ودێ پتر ره‌نگڤه‌دانا خو ژهه‌موو رویه‌كیڤه هه‌بیت.
هه‌روه‌سا گوت: بجهئینانا رێنما وقانونان ، وه‌لاتێ مه دێ پتر پێشكه‌ڤیت وئاڤه‌دانبیت وخه‌لكێ مه‌ژى دێ پتر هه‌ست ب به‌رپرسیارى وهه‌بوونا خو كه‌ت .
پاش رێڤه‌به‌رێ پولیسان چه‌ند پێدڤیێن رێڤه‌به‌ریێ به‌رچاڤكرن بو وێ یه‌كێ بهێنه چاره‌سه‌ركرن وسوزدا كو به‌رده‌وام كار وخه‌باتێ بكه‌ن بو بجهئینانا رێنما وقانونێن حكومه‌تا هه‌رێمێ وپاراستنا سامان وته‌ناهیا خه‌لكێ پارێزگه‌هێ.
ل دوماهیێ پارێزگارێ دهۆكێ سه‌راپشكا پروسا توماركرنا پولیسان بو ده‌ڤه‌رداریا شنگالێ دا وژنێزیك سه‌حكره سیسته‌مێ وه‌رگرتنا ماملێن وه‌لاتیان.
پارێزگارێ دهۆکێ ل رێڤه‌به‌ریا پولیسێن پارێزگه‌هێ ته‌که‌زى ل سه‌ر بجهئینانا رێنما وقانونێن حکومه‌تا هه‌رێمێ کر
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.